२६ असार २०७९, आइतबार
कर्णाली प्रदेशका मुख्यमन्त्री जीवनबहादुर शाहीले विविधिताभित्रको एकता नै हाम्रो विशेष पहिचान भएको बताउनुभएको छ ।
मुख्यमन्त्री शाहीले मुस्लिम समुदायको महान् पर्व बकर ईद (ईद उल अजहा) को शभअवसरमा कर्णाली प्रदेशवासीसहित स्वदेश तथा विदेशमा रहेका सम्पूर्ण नेपाली आमाबुबा, दाजुभाई दिदीबहिनीहरुमा सुख, शान्ति, समृद्धि र सुस्वास्थ्यको हार्दिक शुभकामना व्यक्त गर्नुभएको छ ।
एक शुभकामना सन्देश जारी गर्दै उहाँले भन्नुभएको छ, “नेपाल एक बहुजातिय, बहुधार्मिक, बहुभाषिक र बहुसाँस्कृतिक देश हो । ‘विविधताभित्रको एकता नै हाम्रो विशेष पहिचान र आकर्षण हो ।’ यसले बहुधर्म र संस्कृतिले हाम्रो समाजलाई पारस्परिक सम्मानसहित अघि बढ्न अभिप्रेरित गर्दछ ।”
बकर ईद पर्वले समाजमा विद्यमान विभिन्न जातजाति, समुदायको संस्कृति र परम्पराको संरक्षण गरी हामीबीच आपसी सद्भाव, सहिष्णुता र मेलमिलापमा सहयोग पुग्ने विश्वास व्यक्त गर्दै मुख्यमन्त्री शाहीले राष्ट्रिय एकता र सामाजिक सद्भाव सुदृढ तुल्याउँदै यसले दीगो शान्ति कायम राख्न सकोस् भन्ने शुभकामना प्रकट गर्नुभएको छ ।
