यहाँको पातारासी गाउँपालिकाको चुकेनी खोलाबाट उत्पादन गरिने ९९८ किलोवाटको बिजुली चुकेनी जलविधुत आयोजना टेण्डर प्रक्रियामा अगाडि बढेको छ ।
वैकल्पिक उर्जा, गाउँपालिका र स्थानीयबासीहरुको सेयर लगानीमा शुरु भएको उक्त आयोजना टेण्डर अगाडि बढेको आयोजना संचालन गर्ने चुकेनी संहकारी संस्था लिमिटेडका अध्यक्ष गोरबहादुर रावतले जानकारी दिनुभयो । उहाँले वैकल्पिक उर्जा प्रवर्धन केन्द्रको रु २८ लाख, स्थानीयको सेयर रु २ करोड ५० लाख र गाउँपालिकाको रु १ करोडको सहयोगमा निर्माण सम्पन्न हुनेछ ।
बि.सं २०६९ वैशाख महिनामा उद्घाटन गरिएको उक्त जलविधुत आयोजना रकम अभावका कारण रोकिएको थियो । अव भने वैकल्पिक उर्जा प्रवर्धन केन्द्र, गाउँपालिका र स्थानीको सहयोगले अगाडि बढ्ने पक्का भएको अध्यक्ष रावतले बताउनुभयो । उहाँका अनुसार एशियाली विकास वैंक एडिविले पनि रु ३ करोड लोन दिनेछ । उद्घाटन भएपनि मरिसकेको आयोजना कर्णाली प्रदेश आन्तरिक मामिला तथा कानून मन्त्री नरेश भण्डारीको प्रयासले लगानी वैकल्पिक उर्जाले शुरु गरेको उहाँको भनाई छ । यसैगरी पछि सवै स्थानीयवासीको र गाउँपालिको साथले हामी यो बिजुली बाल्न सफल हुने आशा व्यक्त गर्नुभयो । विहिवार टेण्डर भएको उक्त आयोजनाको भने सन बि.सं २०२१ सम्म विजुली वालि सक्नुपर्नेछ ।
जुम्लाको सदरमुकाम खलंगामा साना जलविधुत आयोजनाको ४० बर्ष अगाडिको २२० किलोवाट उत्पादन भएको बत्ति तीब्र जनसंख्या र बजारीकरण भएपछि जुम्ला सदरमुकाममा बत्तिको सकस छ । अव भने ९९८ बिलोवाटको चुकेनी जलविधुत आयोजना निर्माण भएमा पातारासी गाउँपालिका सहित जुम्ला सदरमुकामलाई पनि प्रयाप्त बिजुली पुरयाउने चुकेनी संहकारी संस्था लिमिटेडको लक्ष्य छ ।
उद्योगहरुमा प्रोत्साहन हुने ः
जुम्लाको पातारासी गाउँपालिका जडिवुटिको भण्डारण क्षेत्र मानिन्छ । यहाँ यार्सा, पाँचऔले, भुल्ते, खिरौला सहित दर्जनौ लाखौको जडिवुटि उत्पादन हुन्छ । तर विजुली अभावका कारण जडिवुटि प्रशोधन केन्द्र स्थापना हुन तथा ठूला व्यपारीहरुले लगानी गर्न सकेको अवस्था छैन । अव बिजुली उत्पादन भएमा सजिलो हुने भएको छ । यस्तै जुम्ला सदरमुकाममा पनि प्रयाप्त बिजुलीको अभावमा स्याउ प्रशोधन उद्योग देखी विभिन्न आधुनिक उद्योगहरु फष्टाउन सकिएको छैन । यसैले पनि चुकेनी जलविधुत यहाँको बत्तिबाट हुने विकासको लागि बरदान हुने भएको हो ।
केन्द्रीय प्रशारण लाईनको अध्ययन ः
यसैगरी जुम्लामा केन्द्रिय विद्युत प्रशारण लाइन जडान हुने बताएको छ । कोहलपूर हुदै दैलेखको महावु र कालिकोटको चिल्खाया बाट जुम्लाको लागि ३३ केभीको केन्द्रिय विद्युत प्रशारण लाइन जडान हुने नेपाल विद्युत प्राधिकरणका शम्भुप्रसाद पौडेलले जानकारी दिएको छ ।
जुम्लामा रहेको साना जलविद्युत उपभोक्ता समिति जुम्लाले प्रसारण गर्दै आइरहेको विद्युत सेवा नियमित रुपमा प्रवाह छ वा छैन गुणस्तरीय सेवा छ वा छैन विद्युत सेवा नियमित रुपमा प्रवाह नहुदा उपभोक्ता के कस्ता चुनौतीका विषयमा चन्दननाथ नगरपालिकामा सरोकारवाला निकाय विच छलफल भएको छ । राजनैतिक दल, नागरीक समाज, स्थानीय तहहरुको राय सुझाव संकलन गर्न र केन्द्रिय विद्युत प्रशारण लाइन जडानको अध्यन गर्न जुम्लामा पुग्नु भएका नेपाल विद्युत प्राधिकरणका प्रशासकिय अधिकृत शम्भुप्रसाद पौडेलले यस्तो बताउनु भएको थियो ।
यस्तै केन्द्रिय विद्युतप्रशारण लाइन जडानका गर्न चाहिने आवश्यक समान जिल्ला स्थित सम्पुर्ण सरोकारवाला, राजनैतिक दल नागरीक समाज स्थानीय तहहरुको राय सुझाव संकलन गरे पश्चात टेण्डर आव्हान गरिने भएको छ । प्रदेशसभा सांसद पदमवहादुर रोकायाले विद्युत र सडक अनिर्वाय हुनु पर्ने भएपनि जुम्लाका नागरिकहरुले अझै पनि सहजै रुपमा उपभोग गर्न नपाएको कुरा बताउनुभयो । जुम्लाको विकास र समृद्धिका लागि केन्द्रिय विद्युतप्रशारण लाइन अपरिहार्य भएको सांसद रोकायाले बताउनु भयो । पुर्व सस्कृती पर्यटन तथा नागरिक उड्ययन राज्य मन्त्री बलवहादुर महतले जुम्लामा केन्द्रिय विद्युत प्रशारण लाइन जडान गर्नको लागि विगतका दिन बाटै कडा परिश्रम गर्दै आइ रहेको जानकारी दिनु भएको छ । चन्दननाथ नगरपालिका जुम्लाका प्रमूख प्रशासकीय अधिकृत शिवराज चौलागाइले प्रयाप्त मात्रमा बत्ति नआउदा सरकारी कार्यलय र गैर सरकारी कार्यालयका कर्मचारीहरुको कामकाजमा समेत समस्या हुदै आएको बताउनुभयो ।