२४ साउन २०८०, बुधबार
सर्जक तथा गायक प्रकाश शाहीको तीज गीत ‘पशुपतिमा जलहरी’ सार्वजनिक भएको छ ।
उक्त तीज गीत बुधबार शाहीको युट्युब च्यानलमार्फत सार्वजनिक गरिएको हो । गीतको शब्द लयसहित अभिनयको भूमिकामा आफै रहेका शाहीलाई ज्योति काफ्लेले साथ दिनुभएको छ । सामाजिक विकृतिविरुद्धका मुद्दाहरुलाई गीतका माध्यमबाट व्यङ्ग्य प्रहार गरिएको उक्त भिडियोले सत्ताको आडमा भएको शक्तिको शक्तिको दुरुपयोगलाई औंल्याएको छ । गायक शाहीले यस गीतमा मुख्यगरी भ्रष्टाचार र व्यथितिका कुराहरुलाई तीज गीतमार्फत उठान गर्नुभएको छ ।
सुर्खेत जिल्ला निवासी सर्जक शाहीका अनुसार ‘पशुपतिको जलहरी’ बनाउदा सुन घोटाला भएको विषयबाट गीत सृजना गरिएको छ । समग्र भ्रष्टाचाका कुराहरुलाई उठान गरेको र छायाङ्कनमा पनि गीतको भाव भएकोले यसले जनमानसको मन जित्ने विश्वास व्यक्त गरिएको उहाँको दावी छ ।
निर्र्मल प्याकुरेलले निर्देशन गरेको उक्त गीतमा माण्डवी त्रिपाठी र शाहीको स्वर रहेको छ भने कोरियोग्राफी अशाोक बस्नेत, छायाङ्कन अर्जुन सापकोटा, एरेन्ज विपिन आचार्यको रहेको छ । त्यसमा अन्य कलाकारहरु गणेशभक्त गौतम, गणेश बस्नेत, कुमार कार्की, देवकी तिमिल्सिना, प्रकाश खत्री, गोपाल पाण्डे, प्रवीण शाही, पूर्णबहादुर भण्डारी र राम रावतको यसमा अभिनय रहेको छ ।
