१६ मंसिर २०७९, शुक्रबार
मानव अधिकारका लागि एकल महिला समुह कर्णाली प्रदेशले एकल महिला उषा राई हत्यामा संलग्नलाई कारवाहीको माग गरेको छ ।
एकल महिला समुहले धनकुटा शहीदभूमि घर भई धरान नगरपालिका ११ मा बस्दै आएकी उषा राई हत्यामा संलग्नलाई कानून बमोजिम कारवाहीका लागि आज जिल्ला प्रशासन कार्यालय सुर्खेतमार्फत प्रधानमन्त्रीलाई मागपत्र बुझाएको छ । सिलाई कटाईबाट जीविकोपार्जन गर्दै आएका राई जागरण आमा समुहको निर्घात कुटपिटबाट मृत्यु भएकोले उक्त घटनाका दोषीलाई कारवाही माग गरिएको समुहका अध्यक्ष ममता नगालले बताउनुभयो ।
“राईमाथि दानवीय प्रवृति देखाइएर गरिएको कुकृत्यप्रति घोर भत्र्सना व्यक्त गर्दछौं,” अध्यक्ष नगालले भन्नुभयो, “यो घटनाबाट मानिसको स्वतन्त्रपूर्वक बाँच्न पाउने अधिकार पूर्णतः हनन् भएको छ ।” विशेषगरी समाजमा अपहेलित भएर बस्नुपरेका एकल महिलाहरुको जीउ ज्यानको सुरक्षा र सम्मान जीवनको सुनिश्चितता राज्यले गर्नुपर्नेमा उहाँले जोडदिनुभयो ।
यही मंसिर ३ गते राईमाथि कुटपिट हुँदा उपचारको क्रममा १४ गते मृत्यु भएको थियो । उक्त घटनाका दोषीलाई कारवाही गर्न र पीडित परिवारलाई न्याय दिलाउने पक्षमा उभिन मानव अधिकारकर्मी, पत्रकार, सञ्चारकर्मी तथा सम्पूर्ण न्यायका पक्षधरलाई समुहले अपिल गरेको छ ।
