११ मंसिर २०७८, शनिबार

कर्णाली प्रदेश प्रहरी कार्यालय सुर्खेतले बहुबिबाह मुद्दाका फरार प्रतिवादी एक महिलालाई पक्राउ गरेको छ ।

बराहताल गाउँपालिका १० सुर्खेतका ३० वर्षीय लक्ष्मी सारुलाई प्रदेश कार्यालयको अनुसन्धान ब्यूरोले शुक्रबार पक्राउ गरेको हो । विशेष सूचनाका आधारमा प्रदेश प्रहरीको अनुसन्धान ब्यूरोले पक्राउ गरेको कर्णाली प्रदेश प्रहरी कार्यालय सुर्खेतका प्रवक्ता एवं प्रहरी उपरीक्षक माधवप्रसाद श्रेष्ठले जानकारी दिनुभयो ।

प्रवक्ता श्रेष्ठका अनुसार बहुबिबाह मुद्दामा सुर्खेत जिल्ला अदालतको फैसला आदेशले रु.एक हजारसहित एक वर्ष छ महिना कैद सजाय सुनाए यता फरार रहेकी थिईन् । पक्राउ परेकी प्रतिवादी सारुलाई शुक्रबार नै सम्मानित सुर्खेत जिल्ला अदालतमा उपस्थित गराईएको प्रहरीले जनाएको छ ।