३० कार्तिक २०७८, मंगलबार
पेट्रोलियम पदार्थको मूल्य वृद्धि फिर्ता गर्न माग गर्दै आज देशभर बन्दको आह्वान गरेको नेकपा विप्लव समुहका २० जना कार्यकर्तालाई प्रहरीले पक्राउ गरेको छ ।
बन्दको क्रममा विप्लवका सातजना सुर्खेत र दुई महिलासहित १३ जना कार्यकर्तालाई रुकुमपश्चिमबाट पक्राउ गरिएको कर्णाली प्रदेश प्रहरी कार्यालय सुर्खेतका प्रवक्ता एवं प्रहरी उपरीक्षक माधवप्रसाद श्रेष्ठले जानकारी दिनुभयो । सार्वजनिक आवाजावतको क्रममा सवारी साधन बन्द गर्दै हिडेकोले उनीहरुलाई पक्राउ गरिएको प्रवक्ता श्रेष्ठले बताउनुभयो ।
यस्तै, चामुण्डा विन्द्रासैनी नगरपालिका ७ दैलेख पाल्तडा बजारस्थित आज भे.१.ख ३६७६ नम्बरको मिनिट्रकमा एक्कासी आगलागी हुँदा ६० हजार बराबारको समान जलेर नष्ट भएको उहाँले बताउनुभयो । उहाँका अनुसार नेपालगञ्जदेखि आठविस नगरपालिका वडा ४ खिड्कीज्यूला दैलेख जादै गरेको उक्त मिनिट्रकमा एक्कासी अगाडिको लाइटको तार सट लागेको थियो ।
बन्द कारण लामो तथा छोटो दूरीका सवारी आवागमन, शैक्षिक संस्था, उद्योग, कलकारखान, र बजार क्षेत्र प्रभावित भएका छन् ।
