OnlinePana

आज : २०७९ आश्विन ११ गतेPreeti to UnicodeUnicode to PreetiRoman to UnicodeDate Converter

लोकपृय बन्दै २५ प्रतिशत जग्गा रजिष्ट्रेन छुट

महिलाको नाममा जग्गा पास गर्नेको संख्या बढ्यो

कोरपाटी संवाददातापौष २८, २०७५ जुम्ला
७६३ पटक

जुम्ला । सरकारले जग्गा पास गर्दा महिलालाई छुट दिन थालेपछि जुम्लामा महिलाको नाममा जग्गा लिनेका संख्या बढिरहेको छ ।
मालपोत कार्यालय जुम्लामा महिलाको नाममा जग्गा पास गर्नेको संख्या वर्षेनी बढ्दै गएको हो । महिलाको नाममा जग्गा पास गर्ने महिलाहरुको संख्या बजार र गाउँपालिका क्षेत्रमा समेत बढ्दै गएको मालपोत कार्यालय जुम्लाले जनाएको छ ।
कानूनी रुपमा सरकारले महिलाको नाममा महिलाको नाममा जग्गा रजिष्ट्रेशन गर्दा राजश्वमा २५ प्रतिशत छुट हुने भएकाले बढ्दै गएको बताईएको छ । मालपोत कार्यालय जुम्लाका अनुसार जग्गामा वर्षेनी महिलाको स्वामित्व बढ्दो क्रममा देखिन थालेकोछ ।
सरकारले २०६४ सालदेखि जग्गा रजिष्ट्रेशनमा छुट दिन थालेको हो । रजिष्ट्रेशनमा भारी छुट पाउने भएपछि जग्गा पासमा महिलाहरुको संख्या बढ्दै गएको मालपोत कार्यालय जुम्लाका राजश्व प्रमुख राजकुमार रावलले बताउनुभयो । जुम्लामा पहिला महिलाको नाममा जग्गा पास गर्ने चलन नभएको भन्दै उहाँले पछिल्लो केही वर्षदेखि महिलाको नाममा सम्पतीको पहुँच पुग्न थालेको छ ।
यहाँको जुम्ला जिल्लामा गएको साउन महिना देखि हालसम्म २ सय ३७ जना महिलाको नाममा जग्गा पास भएको रावलले जानकारी दिनुभएको छ । नेपालको संविधान २०७२ ले पनि सम्पत्ति तथा पारिवारीक मामिलामा महिलाको सम्मान हक हुने कुरा उल्लेख छ । जग्गामा महिलाहरुको स्वामित्व सम्वन्धी हक बिषयमा सरकारले गरेको नितिगत महिला सहभागिताको कार्यक्रम अन्तरगत महिलाको नाममा जग्गा रजिष्ट्रेशन गर्न छुट दिएपछि यो कार्यक्रम लोकप्रिय बन्दै गएको हो ।
क्याप्सन ः जिल्ला मालपोत कार्यालय जुम्ला तस्बिर नेत्र शाही जुम्ला ।

प्रतिकृया दिनुहोस्