Skip Add

OnlinePana

कोरपाटी संवाददातामंसिर ७, २०७७जुम्ला,
३३ पटक

 

जुम्ला २०७७ मंङ्सिर ७ गते।

जिल्ला विपत् व्यवस्थापन समितिले सुविधासम्पन्न कोभिड अस्पताल बनाउने निर्णय गरेको छ । विपत् व्यवस्थापन समितिका अध्यक्ष तथा प्रमुख जिल्ला अधिकारी भूपेन्द्र थापाको अध्यक्षतामा बसेको बैठकले यस्तो निर्णय गरेको हो ।

कोरोना संक्रमित र अन्य बिरामी उपचार गर्न एउटै अस्पताल (कर्णाली स्वास्थ्य विज्ञान प्रतिष्ठान शिक्षण अस्पताल जुम्ला) भएपछि कोभिड अस्पताल छुट्टै बनाउनुपर्ने अवस्था आएको सहायक प्रमुख जिल्ला अधिकारी ओमप्रकाश देवकोटाले बताए ।

जिल्ला खेलकुद विकास समितिको कभर्ड हलनजिक रहेको पूर्वाधार विकास कार्यालयको भवनमा कोभिड अस्पताल बनाउने निर्णय भएको उनले बताए । उनले भने, ‘अस्थायी कोभिड अस्पतालका लागि आवश्यक भवन खोजी गर्न गठित समितिले पेस गरेको प्रतिवेदनको आधारमा पूर्वाधार विकास कार्यालय रहेको भवनमा कोभिड अस्पताल बनाउने निर्णय भएको हो ।’

उक्त भवनमा रहेको पूर्वाधार विकास कार्यालय जिल्ला समन्वय समितिभित्र रहेको तत्कालीन जिल्ला प्राविधिक कार्यालय रहेको भवनमा स्थानान्तरण गर्ने निर्णय पनि भएको छ । त्यसैगरी कोरोना संक्रमितलाई उपचारका लागि अस्पतालसम्म ल्याउनका लागि एम्बुलेन्सको पनि व्यवस्थापन गरिएको छ । यहाँका सात स्थानीय तहले काेभिड एम्बुलेन्सको भाडास्वरूप चार महिनाकमे रू ८६ हजार रुपैयाँका दरले उपलब्ध गराउने गरी व्यवस्थापन गरिएको हो ।

जुम्लामा कोरोना संक्रमितको संख्या चार सय चार पुगेको छ । तीन सय ७१ जना संक्रमित निको भएर घर फिर्ता भएको जिल्ला प्रशासन कार्यालय जुम्लाले सार्वजनिक गरेको तथ्यांकमा उल्लेख छ ।                            समितिले बुझायाे प्रतिवेदन                                 कर्णाली स्वास्थ्य बिज्ञान प्रतिष्ठान शिक्षण अस्पतालका अन्य बिरामीकाे जाेखमलाई मध्यनजर गर्दै   भिन्नै काभिड अस्पताल वनाउने यस अघिकाे प्रस्ताबमा सहायक प्रमुख जिल्ला अधिकारी अाेम प्रकाश देवकाेटाकाे संयाेकत्वमा पुर्वाधार कार्यालय, कर्णाली स्वास्थ्य बिज्ञान प्रतिष्ठान शिक्षण अस्पताल, नेपाल पत्रकार महासंघ र नागरिक समाज समेटेर ५ सदस्यी समिति गठन गरिएकाे थियाे ।   समितिले अनुगमन गरि प्रतिवेदन दिएपछि साेही अाधारमा जिल्ला विपत व्यवस्थापन समितले निर्णय गरेकाे हाे ।  यसैगरि जिल्ला बिपत व्यवस्थापन समितिले  हिमपात पुर्व तयारि कार्ययाेजना पारित गरेकाेछ ।

प्रतिकृया दिनुहोस्