२४ असोज २०७८,
जुम्ला निवासी पूर्व प्रमुख जिल्ला अधिकारी भुपेन्द्र थापा नेपाल सरकारको राजपत्रांकित प्रथम श्रेणीको सहसचिव हुनु भएको छ ।
लोकसेवा आयोग बिज्ञापन नम्बर १६६५४।०७७।०७८ काे नेपाल सरकारले लिएको आन्तरिक प्रतियोगितामा तेस्रो नम्बरमा प्रशासन क्षेत्रको सहसचिव पदमा उत्तिण भएको जानकारी दिनुभयो । जुम्लाका पूर्व प्रजिअ थापा उत्तिण भएपछि अव जुम्लाले प्रशासन क्षेत्रमा ३ जना सहसचिव पाएको हो । यस अघि जुम्लाका जयनारायण आचार्य र गोगनबहादुर हमाल सहसचिव पदमा कार्यरत हुनुहुन्छ ।
आचार्य कास्कीको प्रमुख जिल्ला अधिकारी र हमाल सूचना तथा प्रसारण विभागको महानिर्देशकमा कार्यरत हुनु हुन्छ । थापाको सफल नतिजाले एक पटक फेरी सिंहदरवारमा कर्णालीको सानदार उपस्थिति जनाएको छ । सामाजिक संजालमा वधाईको ओईरो आईरहेको छ । सहसचिव थापा यस अघि जुम्ला सहित डोल्पा र सोलुखुम्वुमा समेत प्रमुख जिल्ला अधिकारीको रुपमा काम गरि सक्नु भएको छ । लोकसेवाले आजै निकालेको अन्तरवार्ताको नतिजामा १२ जना सफल भएका छन् ।
फाईल तस्बिर नेत्र शाही
