असोज १८ गते । यहाँको गुठिचौर गाउँपालिकाले आफ्नै रेडियो एफ एम स्थापना गरेको छ ।
गाउँपालिकाका जनतामा सूचनाको पहुँच पुरयाउने उद्देश्यले यहाँको गुठिचौर गाउँपालिकाले आफ्नै एफ एम रेडियो स्थापना गरेको हो । “९८.४ मेघाहर्जको उक्त रेडियो गुठिचौरको” अहिले परीक्षण प्रसारण गरिएको गाउँपालिका नायव सूब्बा मोति प्रसाद जैसीले जानकारी दिनुभयो ।
गाउँपालिकाको रेडियो स्थापनाका लागि हाल सम्म रु २४ लाख लगानी भएको र अन्य बिस्तारका लागि, आवश्यक अन्य सामग्री र पूर्वाधार जोडिदै गरेको जैसीले जानकारी दिनुभयो । रिले टावर स्थापना गर्नका लागि समेत बजेट विनियोजन भईसकेको उहाँले थप्नुभयो ।
नायव सुब्बा जैसीका अनुसार अहिले रेडियो स्थापना भएपछि कोराना भाईरस रोकथाम देखी विभिन्न प्रकारका सूचनाहरु जनतालाई निशुल्क दिन सजिलो भएको छ ।
गाउँपालिका अध्यक्ष हरिबहादुर भण्डारीका अनुसार विकासका विभिन्न क्षेत्र मध्य सुचना तथा सञ्चार क्षेत्र निकै महत्वपूर्ण भएकाले संवैधानिक अधिकार र गाउँपालिकाको कार्यविधि अनुसार रेडियो स्थापना गरिएको छ ।
गाउँपालिका प्रमुख प्रशासकीय अधिकृत रामलाल प्याकुरेलका अनुसार गाउँपालिकाका हरेक गतिविधि जनताले पाउने अधिकार भएकाले अव रेडियो मार्फत बढि भन्दा बढि सूचना प्रदान गरिने छ । अहिले रेडियो गुठिचौर गाउँपालिका, चन्दननाथ नगरपालिका, पातारासी गाउँपालिका सहित विभिन्न क्षेत्रमा सुन्ने गरेको बताईएको छ । बिस्तारका लागि चाडै चिमारामा रिले स्टेशन राखिने तयारी भईरहेको जानकारी दिनुभयो ।
रेडियोमा काम गर्ने कर्मचारीहरुको सेवा सुविधा सुनिश्चित गर्न स्थानीय सरकारले कार्यविधि समेत बनाईएको र अव गाउँसभाबाट पारित गर्ने तयारी भईरहको छ । रेडियोको रिले टावर बनाएमा गाउँपालिका दुई हजार पाँच सय घरधुरी लाभान्वित हुने सहित जुम्लाका अन्य गाउँपालिका, जाजरकोट, मुगु र डोल्पामा समेत रेडियोको पहुँच हुने गाउँपालिकाले जनाएको छ ।
गाउँपालिका उपाध्यक्ष जानदेवी ऐडिले हामीले अन्य भौतिक तथा सामाजिक विकास पनि गरिरहेका छौ । तर पनि हाम्रा काम जनताले सजिलै जान्नुपर्छ र जनतालाई जानकारी दिनुपर्छ भन्ने उद्देश्यले रेडियो एफ स्थापना गाउँपालिकाको प्रथामिकतामा परेको जानकारी दिनुभयो । उहाँले सूचना सञ्चारमा लगानी भनेको जिवित सम्पति भएको उहाँले भन्नुभयो । उहाँले रेडियोेले संचार क्षेत्रको मुल्य मान्यतामा काम गर्नेमा आशा गरिएको भन्दै अहिले परीक्षण प्रकाशन भएपनि केही महिनापछि सूचारु हुनेमा जोड दिनुभयो । रेडियो गुठिचौर जुम्लाको स्थानीय तहले स्थापना गरेको पहिलो रेडियो हो ।
गाउँमै रेडियो स्थापना भएपछि स्थानीय खुशी भएका छन् । त्यहाँका स्थानीयले गाउँमा संचार माध्यामको पहुँच कम भईरहेको समयमा आगनमै रेडियो स्थापना हुनु निकै राम्रो भएको बताएका हुन् । स्थानीय उमेश न्यौपानले संचार माध्याम लोकतन्त्रको ठूलो माध्यम हिस्सा भएकाले अव सहज हुने बताउनुभयो । उहाँले अव राष्ट्रिय समाचार समेत लिंक गरिने बताउनुभयो ।
।
