कोरपाटी संवाददातासाउन २०, २०७९सुर्खेत
४१५ पटक
२० साउन २०७९, शुक्रबार
वीरेन्द्रनगर सुर्खेतको एयरपोर्ट नजिकको तीन चोकमा मोटरसाईकलको ठक्करबाट एक महिलाको ज्यान गएको छ ।
मोटरसाइकलले ठक्कर दिँदा दिँदा घाइते भएकी वीरेन्द्रनगर १० सुर्खेतकी ४३ वर्षीय बालकुमारी नेपालीको ज्यान गएको जिल्ला प्रहरी कार्यालय सुर्खेतमा सूचना अधिकारी एवं प्रहरी नायब उपरीक्षक सुरज कार्कीले जानकारी दिनुभयो । उहाँका अनुसार सुर्खेत–नेपालगञ्जअन्तरगत रत्न राजमार्ग सडक खण्डमा पर्ने वीरेन्द्रनगरको एयरपोर्ट चोक नजिकै बाटो काट्ने क्रममा लु ८५ प ५१६६ नम्बरको मोटरसाईकलले उनलाई ठक्कर दिएको थियो ।
घाइते नेपालीको उपचारको क्रममा कर्णाली प्रदेश अस्पताल सुर्खेतमा मृत्यु भएको उहाँले बताउनुभयो । चालक फरार रहेको जनाइएको र उसको खोजी कार्य भइरहेको प्रहरीले जनाएको छ ।
