१३ फागुन २०७८ शुक्रबार
युक्रेनमाथि रुसी हमलापछि त्यहाँको अवस्था आतंकपूर्ण बनेको छ । हजारौं नागरिकहरू राजधानी किभ र अन्य शहरबाट बाहिरिन थालेका छन् । सुरक्षित स्थानमा जानुअघि भिडभाडपूर्ण बसमा परिवारका सदस्यसँग छुट्टिनुअघिको अन्तिम दृश्य सामाजिक सञ्जालमा भाइरल हुन थालेका छन् ।
सामाजिक सञ्जालमा भाइरल एक भिडियोले युक्रेनबासीको सामुहिक पीडाको प्रतिनिधित्व गर्छ । उक्त भिडियोमा एक बाबु आफ्नी छोरीसँग छुट्टिनुअघि अँगाल्दै भक्कानिएको दृश्य देख्न सकिन्छ ।
ती नागरिक आफ्नी छोरीलाई सुरक्षित स्थानतर्फ पठाउने तयारीमा देखिन्छन् । उनी रुसी सेनाविरुद्धको लडाईंमा सहभागी हुन शहरमै बस्नुपर्नेछ ।
भिडियोमा छोरीलाई बसमा चढाउनुअघि उनी भक्कानिएर रुन्छन् । छोरीलाई पटकपटक अंगाल्दै चुम्छन्
रुसले युक्रेनमाथि थोपरेको युद्धले आम मानिसको जीवन कसरी उजाडिरहेको छ भन्ने दृश्य भिडियोमा देख्न पाइन्छ ।
रुसी सेना शुक्रबार बिहानसम्म युक्रेनका विभिन्न इलाकामा अगाडि बढिरहेको छ । युक्रेनका कैयौं सैन्य क्याम्पहरू रुसले ध्वस्त बनाइसकेको छ । रुस राजधानी किभ कब्जा गर्ने प्रयासमा छ । राजधानीमा हुने सम्भावित हमलाको भयले खासगरी घरका पुरुष अगुवाहरूले परिवारका अन्य सदस्यलाई शहरबाट बाहिर सुरक्षित स्थानतर्फ पठाइरहेका दृश्य अन्तरर्राष्टिय सञ्चार माध्यम र सामाजिक सञ्जालले प्राथमिकताका साथ प्रकाशन/प्रसारण गरिरहेका छन् । अनलाइन खबरबाट ।
⚠️#BREAKING | A father who sent his family to a safe zone bid farewell to his little girl and stayed behind to fight …
#Ukraine #Ukraina #Russia #Putin #WWIII #worldwar3 #UkraineRussie #RussiaUkraineConflict #RussiaInvadedUkraine pic.twitter.com/vHGaCh6Z2i
— New News EU 🚨 (@Newnews_eu) February 24, 2022
