सन् २०१९ मा प्रधानमन्त्री बनेपछि नै जोनसन आफ्नी ३३ वर्षीया प्रेमिका केरी साइमन्ड्ससँग साउथ डाउनिङ स्ट्रीटमा बसिरहेका छन् । अघिल्लो वर्ष यी दुईले आफ्नो सम्बन्धबारे घोषणा गरेका थिए । साथै जन्मन लागेको बच्चाबारे पनि जानकारी दिएका थिए । सन् २०२० मा उनीहरुको छोरा जन्मिएको थियो ।

उनीहरुले छोराको नाम विलफ्रेट लरी निकोलस जोनसन राखेका थिए । एक महिना अघि छापिएको एक रिपोर्टमा साथी र परिवारका सदस्यलाई विवाहको निम्तो सन् २०२० मा नै पठाइसकिएको बताइएको थियो ।

बोरिसको दुईपटक सम्बन्धविच्छेद भइसकेको छः

प्रधानमन्त्री जोनसनको नीजि जीवन सधैं खटपटयुक्त रह्यो । उनको अहिलेसम्म दुई पटक सम्बन्धविच्छेद भइसकेको छ । उनको पहिलो विवाह सन् १९८७ मा एलेग्रा मस्टिन–ओवनसँग भएको थियो । तर सन् १९९० मा नै यी दुई अलग्गिए । त्यसपछि उनले वाल्यकालकी साथी तथा वकिल मेरिना ह्विलरसँग विवाह गरे । यी दुईका चार सन्तान छन् । तर सन् २०१८ मा यी दुई पनि अलग्गिए । विवाहेत्तर सम्बन्धबारे झुटो बोलेका कारण उनलाई एकपटक कन्जर्भेटिव पार्टीको पोलिसी टिमले बर्खास्त पनि गरेको थियो ।