कोरपाटी संवाददातामाघ ३०, २०७७सुर्खेत
४५० पटक
३० माघ २०७७, शुक्रबार
जिल्ला प्रहरी कार्यालय सुर्खेतले बिहीबार जुवाखालबाट सातजना जुवाडेलाई पक्राउ गरेको छ ।
प्रहरी निरीक्षक कनबहादुर शाहीको नेतृत्वको ७ जनाको प्रहरी टोलीले बिहीबार बेलुका ५ः०० बजे वीरेन्द्रनगर नगरपालिका ८ सुर्खेत खजुरामा पर्ने आवास क्षेत्रस्थित बलबहादुर शाहीको घरमा जुवातास खेलिरहेको अवस्थामा उनीहरुलाई पक्राउ गरेको हो ।
घरमा जुवातास खेलिरहेका छन् भन्ने विशेष सुचनाको आधारमा जिप्रकाबाट खटिई गएको टोलीले जुवाखालबाट तीन गड्डी तास र रु.चौवालिस हजार १३५ नगद रकम बरामद गरेको जिल्ला प्रहरी कार्यालय सुर्खेतले जानकारी दिएको छ ।
जुवाखालबाट पक्राउ परेका सात जना मानिसहरुलाई जुवा कसुर ऐन अन्तरगत कारवाहीका लागि आवश्यक अनुसन्धान भईरहेको जिल्ला प्रहरी कार्यालय सुर्खेतले जनाएको छ ।
