२४ मंसिर २०८२, बुधबार
सुर्खेतः कर्णाली प्रदेश सरकारसहित यहाँ सरोकारवालाहरुले कर्णाली विकासका सन्दर्भमा पाँच बुँदे प्रतिबद्धता गरेका छन् ।
कर्णाली प्रदेश योजना आयोगद्वारा आज सुर्खेतमा वीरेन्द्रनगरमा आयोजित ‘कर्णाली विकासमा सरोकारवालाहरुको भूमिका’ विषयक अन्तरक्रिया कार्यक्रममा सरोकारवालाहरुद्वारा पाँच बुँदे प्रतिबद्धता गरिएको हो । प्रदेश योजना आयोगका उपाध्यक्ष सूर्यनाथ योगीले आयोगले बनाएको दोस्रो पञ्चवर्षीय योजनाले तोकेको लक्ष्यभन्दा माथि पुग्ने तयारीका साथ अगाडि बढेको बताउनुभयो ।
उहाँका अनुसार विकास आयोजनामा हुने दोहोरोपन हटाउन विकास साझेदारबाट सम्पादन गरिने कार्यक्रमको विवरण सम्बन्धित मन्त्रालयमा प्रदेश सरकारको बजेट तर्जुमा गर्नुपूर्व नै जानकारी गराउने, विकास आयोजनाहरुमा सुशासन, ईमान्दारिता, जवाफदेही र वातावरणमैत्री अभ्यासलाई उच्च प्राथमिकता दिने, प्राकृतिक स्रोत साधनको दीगो उपयोग, सामाजिक उत्तरदायित्व तथा समुदायको हितमा केन्द्रित गर्दै सहकार्यमूलक ढंगले कार्य गर्ने प्रतिबद्धता गरिएको छ ।
यसका लागि कर्णाली प्रदेश सरकार र विकास साझेदारबीच समन्वयको प्रादेशिक ढाँचा निर्माण गर्ने, बहुआयमिक आर्थिक विकासका लागि प्राविधिक प्राविधिक सीप, तालिम, उद्यमशीलता प्रवद्र्धन तथा स्थानीय युवालाई रोजगारीमा प्राथमिकता दिने र कर्णालीका युवालाई प्रदेशभित्र टिकाउन, रोजगारी र व्यवसायका अवसर विस्तार गर्न संयुक्त प्रयास गर्ने प्रतिबद्धता गरिएको उपाध्यक्ष योगीले बताउनुभयो ।
त्यस्तै, कर्णाली प्रदेशको प्रचुर सम्भावना रहेको पर्यटन क्षेत्रको विकासको लागि लगानी विस्तार गर्दै सम्भाव्य पर्यटकीय क्षेत्रको प्रचार प्रसारका लागि सञ्चार माध्यम, सामाजिक सञ्जाल र विविध माध्यमबाट सूचना सम्पे्रषण गर्ने, सार्वजनिक सेवा प्रवाहलाई जनमुखी, निष्पक्ष, पारदर्शी र जवाफदेही बनाउनका लागि सबै क्षेत्रबाट रचनात्मक भूमिका निर्वाह गर्ने र यसमा मिडियाको भूमिका महत्वपूर्ण हुने पनि प्रतिबद्धता पत्रमा उल्लेख गरिएको छ ।
