जुम्ला, माघ १४ गते,
जुम्लाको सिञ्जा गाउँपालिका जाँचमा गाउँको वनमा आगलागी हुदा एक जनाको मृत्यू भएको छ ।
जिल्ला प्रहरी कार्यालय जुम्लााका प्रहरी नायव उपरीक्षक क्षेदिलाल कामतिका अनुसार सिञ्जा गाउँपालिका वडा नम्बर १ जाँच निवासी ८१ बर्षिय भद्दे रावलको आगलागीबाट मृत्यू भएको हो ।
प्रहरीको प्रारम्भिक जानकारी अनुसार जाँच गाउँ नजिकैको रुपाकोट सामुदायिक वनमा आगलागी भईरहेको रहेछ । त्यहाँ उहाँको स्याउ बगैचामा रहेछ, आगो निभाउन रावल त्यहाँ जानु भएको रहेछ । आगो निभाउन खोज्दा जलेर घाईते अवस्थामा भेटिएका रावलको मृत्यू भएको हो । प्रहरीका अनुसार सो वनमा स्थानीयको सहयोगमा आगो समेत नियन्त्रणमा ल्याईएको छ ।
घटना स्थलमा प्रहरी निरीक्षक असिम हमाल नेतृत्वको टोली समेत पुगेर थप अनुसन्धान गरिरहेको छ । सिँजा गाउँपालिका अध्यक्ष पूर्ण प्रसाद धितालका अनुसार आगलागीबाट दुखत घटना भएको छ, घटनास्थल तिर प्रहरी समेत पुगेको जानकारी दिनुभयो । वडा नम्बर १ वडाध्यक्ष हरिनन्द आचार्यका अनुसार अहिले आगलागी नियन्त्रण भईसकेको छ ।
