२८ कार्तिक २०८१, बुधबार
वीरेन्द्रनगरमा नगरपालिका ११ सुर्खेतस्थित गंगामाला देउती बज्यै मन्दिरका एक महिला पूजारी मृत अवस्थामा फेला परेकी छन् ।
मृत फेला पर्नेमा सोही वडा निवासी रुद्रबहादुर राजीका श्रीमती अन्दाजी वर्ष ५१ का वर्षीय सरस्वती राजी रहेको जिल्ला प्रहरी कार्यालय सुर्खेतका प्रमुख प्रहरी उपरीक्षक रुपेश खड्काले जानकारी दिनुभयो । मृतक राजी मन्दिरको मुल ढोकाको भित्रपट्टि रहेको फलामको हत्कडीमा झुण्डिएकोमा अवस्थामा आज बिहान ५ः०० बजे फेला परेको प्रहरी उपरीक्षक खड्काले बताउनुभयो ।
उहाँले भन्नुभयो, “स्थानीयले सूचना दिएपछि म बिहान ५ः३० बजेदेखि घटनास्थलमै पुगेको थिए । घटनाको प्रकृति हेर्दा त्यस्तो कुनै शंकास्पद देखिएको छैन् । लास जाँच तथा घटनास्थल मुचुल्का गरेर शव परीक्षणका लागि कर्णाली प्रदेश अस्पताल सुर्खेतमा पठाइएको छ । शव परीक्षण पछि केही खुल्छ कि ?” पुजारी मृत अवस्थामा भेटिएपछि आज बिहानैदेखि देउती बज्यै मन्दिर दर्शनको कार्य स्थगित भएको छ ।
