चैत ५ गते । पाँचौ जुम्ला–रारा अल्ट्रा म्याराथन प्रतियोगिता २०८१ वैशाख १ गते हुने भएको छ । आयोजक कर्णाली स्पोर्ट क्लबले जुम्लामा पत्रकार भेटघाट गरेर नयाँ बर्षको शुरुवाति दिन १ गते प्रतियोगिता गर्ने जानकारी दिएको छ ।
क्लवका अध्यक्ष सरोज शाहीले पत्रकार भेटघाटमा वैशाख १ मा ४९ किलोमिटरको जुम्ला–रारा प्रतियोगिता गरिने जानकारी दिनुभयो । शाहीले पत्रकार भेटघाटमा प्रतियोगिताका लागि विभिन्न तहका एक हजार जना सहभागी गराउने लक्ष्य रहेको छ । यस अवसरमा विभिन्न ४४ जना धावकहरुलाई नगद तथा प्रमाणपत्र प्रदान गरिनेछ ।
उक्त प्रतियोगिताका वारे जानकारी कर्णाली स्पोर्ट क्लबको वेवसाईटwww.karnalisports.com मा पाउन सकिन्छ । अनलाईन मार्फत दर्ता गर्ने र क्यू आर तथा ईसेवा बाट दर्ता शुल्क भुक्तानी गर्न सकिने छ । पाँचौ जुम्ला–रारा अल्ट्रा म्याराथन प्रतियोगितामा नेपाल सहित विभिन्न देशका खेलाडिहरुले सहभागि हुन क्लबले आवहन गरेको छ । उक्त प्रतियोगितामा सहभागि हुने सार्क राष्ट्रका खेलाडिका लागि रु १५ हजार पाँचसय, अन्य देशका लागि रु १६ हजार, नेपाली धावकका लागि रु ७ हजार, स्थानीय धावकका लागि रु ५ हजार दर्ता शुल्क लाग्ने छ ।
यसैगरी ५ किमी खुला तर्फ रु पाँच सय, ५ किमी कर्मचारी तर्फ रु पाँच सय, ५ किमी उद्योगी व्यापारी तर्फ रु पाँच सय शुल्क लाग्ने छ । ५ किमी १६ बर्ष मुनिका विद्यार्थी, १ किमी बालबालिका तर्फ १० बर्ष मुनि निशुल्क र १ किमी ज्येष्ठ नागरिक तर्फ निशुल्क सहभागी हुन पाईने छ ।
नेपालकै प्रतिष्ठाको रुपमा रहेको सो प्रतियोगितामा खुला ४९ किमी प्रथम हुने पुरुष र महिला खेलाडिका लागि रु एक लाख नगद पुरस्कार रहेको छ । यसैगरी द्धितीय ७५ हजार, तृतीय ५० हजार पुरस्कार रहेको छ । प्रतियोगितमा व्यवस्थापन खर्च आयोजकले व्यहोर्ने बताएको छ ।
पत्रकार भेटघाटमा जिल्ला समन्वय समितिका प्रमुख गौरीनन्द आचार्यले कर्णालीको सानको रुपमा रहेको यो प्रतियोगिताका सफल बनाउन सवै लाग्नुपर्ने बताउनुभयो । प्रतियोगिता जुम्ला खलंगा बजार चन्दननाथ भैरव नाथ मन्दिरको आगन खलंगाबजार बाट शुरु भई मुगु रारातालको हुटु क्षेत्रमा अन्त्य हुने गर्दछ । यस अघि नेपालका विभिन्न भागमा वेलायत, नेदरल्याण्ड, भारत, ईटाली, अमेरिकाबाट समेत खेलाडी सहभागि भएका थिए ।
कोरपाटी संवाददाताचैत्र ५, २०८०जुम्ला,
३६१ पटक
- प्रदेश (क) माओवादी नेतृत्वका जनप्रतिधिको एकैसाथ प्रगति सार्वजनिक
- रास्वपालाई जनताको ईन्द्रेणी बनाउँछौंः संयोजक थानी
- कर्णालीमा फुटवलको जनशक्ति उत्पादन गर्न ‘यौद्धा फुटबल एकेडमी,
- २० लाख मुनिको ऋण मिनाह गरिदिने दुर्गा प्रसाईको आश्वासन
- विधुत लाईन परीक्षण सम्बन्धी अन्यन्त जरुरी सूचना
- माओवादीको आठ स्थानीय तहमा वैठक तथा प्रशिक्षण सम्पन्न
- जुम्लामा कृषि पर्यटन सास्कृतिक व्यापार महोत्सव हुने
- शिक्षा, समाज र भविष्य
- सार्वजनिक शिक्षा सुधारका लागि दश जिल्लाका तेह्र विद्यालय छनोट
- प्रदेश प्रमुखद्वारा मुख्यमन्त्री पद दावी गर्न आह्वान