२८ फागुन २०८०, सोमबार
कर्णाली प्रदेश सरकारका मुख्यमन्त्री राजकुमार शर्माले कर्णालीमा औद्योगिक क्षेत्रको विकास आवश्यक भएको बताउनुभएको छ ।
उद्योग बाणिज्य संघ सुर्खेतद्वारा वीरेन्द्रनगर सुर्खेतमा दुई सातासम्म सञ्चालन भएको ‘तेस्रो कर्णाली एक्स्पो’को समापन कार्यक्रममा बोल्दै मुख्यमन्त्री शर्मा औद्योगिक क्षेत्रको विकासविना कर्णालीमा आर्थिक समृद्धि हुन नसक्ने बताउनुभयो । उहाँले तेस्रो कर्णाली एक्स्पोले यहाँको पर्यटन प्रवद्र्धन र आर्थिक समृद्धिमा सघाउ पुग्ने जनाउनुभयो ।
“कर्णालीमा विकासका लागि सहकार्य आवश्यक छ” मुख्यमन्त्री शर्माले भन्नुभयो । “हामी सबै सरोकारवालाहरुको सहकार्यमा मात्र कर्णाली माथि उठ्छ । यसका लागि सबैमा सामुहिक भावना र सकरात्मक सोच आवश्यक छ ।” ठूला खालका प्रदर्शनी गर्न सक्ने गरी कर्णाली सरकारले संरचना तयार गर्ने कार्यलाई पनि अगाडि बढाउने उहाँको भनाई थियो ।
फागुन १५ गतेदेखि सञ्चालन भएको सो एक्स्पोमा ५० हजार भन्दा बढी दर्शकहरुको सहभागिता रहेको आयोजकले जनाएको छ ।
