OnlinePana

आज : २०८१ बैशाख ११ गतेPreeti to UnicodeUnicode to PreetiRoman to UnicodeDate Converter
कोरपाटी संवाददाताफागुन १२, २०८०सुर्खेत
६५ पटक

१२ फागुन २०८०, शनिबार

‘एकताका लागि दौड’ (रन फर युनिटी–२०८०) प्रतियोगिताको हाफ म्याराथन (२१ किलोमिटर)मा तातोपानी गाउँपालिका ७ जुम्लाका दलबहादुर कुँवर प्रथम हुनुभएको छ ।

नेपाली सेना उत्तरपश्चिम पृतनाद्वारा आज वीरेन्द्रनगर सुर्खेतमा आयोजित दौड प्रतियोगितामा एक घण्टा आठ मिनेटमा साे दूरी पार गरी कुँवर प्रथम हुनुभएको हो । त्यस्तै, रास्कोट नगरपालिका ३ कालीकोटका सन्तोष योगीले एक घण्टा ११ मिनेटमा पारी गरी तृतीय नेपाली सेनाका आशिष गुरुङले एक घण्टा १२ मिनेटमा पुरा गरी तृतीय स्थान हात पार्नुभएको छ ।

कर्णाली प्रदेश प्रमुख तिलक परियारले दौड प्रतियोगिताका प्रथम कुँवरलाई रु.३५ हजार, योगीलाई रु.२५ हजार र आशीष गुरुङलाई रु.१५ हजार नगद पुरस्कार तथा प्रमाणपत्र प्रदान गर्नुभएको छ । त्यस्तै, दश किलोमिटर दौडमा पुरुषतर्फ धिरबहादुर बुढा प्रथम, सञ्जीव नेपाली द्वितिय र अक्कल बडुवाल तृतीय हुनुभएको छ । प्रथम, द्वितिय र तृतीय हुने बुढा, नेपाली र बडुवाललाई रु.२०, १० र पाँच हजार नगद पुरस्कार तथा प्रमाणपत्र प्रदान गरिएको छ ।

त्यसैगरी, दश किलोमिटर दौडमा महिलातर्फ सुर्खेतका आशा रावत प्रथम, जुम्लाका द्वितिय र तृतीय स्थान जुम्लाका समिता बुढा राज्यलक्ष्मी रावलले प्राप्त गर्नुभएको छ । प्रथम, द्वितिय र तृतीय हुने रावत, बुढा र रावललाई रु.२०, १० र पाँच हजार नगद पुरस्कार तथा प्रमाणपत्र प्रदान गरिएको छ ।

त्यस्तै, पाँच किलोमिटर दौड प्रतियोगितामा छात्रतर्फ अजय विक प्रथम, दीपेन्द्र बोहोरा द्वितिय र सुजन विक तृतीय भएका छन् । प्रथम, द्वितिय र तृतीय हुने क्रमश अजय, दीपेन्द्र र सुजनलाई रु.दश, पाँच र तीन हजार नगद पुरस्कारसहित प्रमाणपत्र प्रदान गरिएको छ ।

पाँच किलोमिटर छात्रातर्फ जुम्लाका कल्पना बुढा प्रथम, द्वितिय र तृतीय स्थान सुर्खेतका बिमला कार्की र उर्मिला खनालले प्राप्त गर्नुभएको छ । उक्त दौड प्रतियोगितामा प्रथम, द्वितिय र तृतीय स्थान हाँसिल गर्ने बुढा, कार्की र खनाललाई रु.दश, पाँच र तीन हजार नगद पुरस्कार तथा प्रमाणपत्र प्रदान गरिएको छ ।

प्रतिकृया दिनुहोस्