२० पुस २०८०, शुक्रबार
नेपाल सरकारका उपप्रधान तथा रक्षामन्त्री पूर्णबहादुर खड्काले कर्णाली निर्माणमा सम्पूर्ण राजनीतिक दलहरू एक हुनुपर्ने बताउनुभएको छ ।
वीरेन्द्रनगर सुर्खेतमा आयोजित ३४ औँ राष्ट्रिय भलिबल प्रतियोगिताको उद्घान कार्यक्रमलाई सम्बोधन गर्दै उहाँले कर्णाली निर्माणका लागि सबै नेताहरूको जिम्मेवारी रहेको जनाउनुभयो ।
उहाँले भन्नुभयो, “कर्णाली बनाउने हामी नै हो । यहाँको विकासका लागि सबै राजनीतिक दलहरू एकाकार हुनुपर्छ । कर्णालीको उन्नति र प्रगतिको कुरामा, विकास पूर्वाधार बनाउने कुरामा राजनीतिक दलहरूबिच कुनै विवाद नरहेको बताउँदै उहाँले कर्णाली समृद्धिमा सबैको सहयोग साथ आवश्यक रहेको जनाउनुभयो ।
आगामी दशौंँ राष्ट्रिय खेलकुद प्रतियोगिता कर्णालीमा सम्पन्न गर्नुपर्नेै भन्दै रक्षामन्त्री खड्काले यसको तयारीमा सबै जुट्न आग्रह गर्नुभयो । उहाँले पूर्वाधार निर्माणमा बजेट अभाव हुन नदिन संघीय सरकारको ध्यान केन्द्रित रहेको जनाउनुभयो ।
राष्ट्रिय भलिबलकाे पहिलो खेलमा आर्मी, एपीएफ, मधेश र लुम्बिनी विजयी
३४ औं राष्ट्रिय पुरुष भलिबल प्रतियोगिता अन्तर्गत त्रिभुवन आर्मी क्लबले (घरेलु टोली) कर्णाली प्रदेशलाई पराजित गरेको छ । कर्णाली राजधानी वीरेन्द्रनगरको खुल्ला मञ्चको चौरमा भएको खेलमा विभागीय टोली त्रिभुवन आर्मी क्लबले कर्णाली प्रदेशलाई ३–० को सेटमा पराजित गर्दै गरेको हो ।
त्रिभुवन आर्मी क्लबले कर्णाली प्रदेशलाई ३–० को सोझो सेटले पराजित गरेको हो । पहिलो सेटमा नेपाल आर्मीले २५–१२ मा हरायो भने दोस्रो सेट २५–७ र तेस्रो सेटमा २५–१२ ले आफ्नो पक्षमा पारेको छ ।
यस्तै, आजै भएको अर्को खेलमा सशस्त्र प्रहरी बल ९एपिएफ० र कोशी प्रदेश पराजित गरेको छ । एपिएफले कोशी प्रदेशलाई ३–० को सोझो सेटमा पराजित गरेको हो । एपीएफले पहिलो सेट २५–२१ ले हरायो भने खेलको दोस्रो सेट २५–१६ ले पाखा लगायो । त्यस्तै खेलको तेस्रो तथा अन्तिम सेट एपिएफले २५–१७ ले आफनो पक्षमा पार्यो ।
यस्तै, लुम्बिनी प्रदेशले बागमती प्रदेशलाई ३–० को सोझो सेटले पराजित गरेको छ । लुम्बिनीले पहिलो सेटमा २५–२० ले हरायो छ । दोस्रो सेटमा २५–१३ र तेस्रो तथा अन्तिम सेटमा लुम्बिनीले २५–११ ले आफ्नो पक्षमा पारेको छ ।
यस्तै, मधेस प्रदेशले सुदूरपश्चिम प्रदेशलाई ३–२ अन्तरमा पराजित गराएको छ । साथै, शनिबार ९भोलि० चार टोलीले प्रतिस्पर्धा गर्नेछ । जसमा नेपाल पुलिस र लुम्बिनी प्रदेश, कर्णाली प्रदेश, मधेश प्रदेश, कोशि प्रदेश, वाग्मती प्रदेश र गण्डकी प्रदेश र सुदूरपश्चिम प्रदेशले प्रतिस्पर्धा गर्नेछन् ।
