१२ पुस २०८०, बिहीबार
जिल्ला प्रशासन कार्यालय सुर्खेतका प्रमुख जिल्ला अधिकारी शंकरहरि आचार्यले प्रशासनमार्फत प्रवाह हुने गतिविधिहरुलाई थप गतिशील बनाउँदै लैजाने बताउनुभएको छ ।
आज सुर्खेतका पत्रकारहरुसँगको साक्षात्कार कार्यक्रममा प्रजिअ आचार्यले कर्णाली प्रदेशको राजधानी रहेको जिल्ला सुर्खेत हरेक दृष्टिले केन्द्रबिन्दु भएकोले यहाँको शान्ति सुरक्षामा विशेष ध्यान दिईने बताउनुभयो । यसका लागि राजनीतिक दल, नागरिक समाजलागयत सबैको साथ सहयोग आवश्यक रहेको उहाँको भनाई थियो ।
लागु औषध दूव्र्यसनी, सडक दुर्घटना, आत्महत्या र सामाजिक अपराधका घटनाहरु पछिल्लो समयमा बढ्दै गएको बताउँदै प्रजिअ आचार्यले यसको न्यूनीकरणका गतिविधिलाई अगाडि बढाईने जनाउनुभयो । नागरिकको खाद्य अधिकारलाई सुरक्षित गर्न बजार अनुगमन तथा निरीक्षणदेखि पूर्वाधार विकास, सवारी यातायात र सुशासन कायम गर्न दत्तचित्त भएर लाग्ने उहाँले बताउनुभयो ।
