OnlinePana

आज : २०८१ बैशाख ४ गतेPreeti to UnicodeUnicode to PreetiRoman to UnicodeDate Converter
दाना शाहीआषाढ २९, २०८०सुर्खेत
११० पटक

२९ असार २०८०, शुक्रबार

कर्णाली प्रदेश अस्पताल सुर्खेतमा दोस्रो पटक मिर्गौलाको सफल प्रत्यारोपण भएको छ ।

सहिद धर्मभक्त राष्ट्रिय प्रत्यारोपण केन्द्र र प्रदेश अस्पताल सुर्खेतको संयुक्त प्रयासमा बिहीबार साँझ रोल्पा जिल्लाको रोल्पा नगरपालिका २ निवासी ३५ वर्षीय पवनकुमार आचार्यको दोस्रो पटक मिर्गौलाको सफल प्रत्यारोपण भएको हो । उनलाई ५६ वर्षीय आमा देवाकुमारी आचार्यले छोरालाई मिर्गौला दान गर्नुभएको थियो ।

प्रत्यारोपण शहिद धर्मभक्त राष्ट्रिय प्रत्यारोपण केन्द्रका कार्यकारी निर्देशक प्राडा. पुकारचन्द्र श्रेष्ठ र प्रदेश अस्पतालका निर्देशक प्राडा.डम्बर खड्काको टोलीले असार २८ गते प्रत्यारोपण कार्य सम्पन्न गरेको थियो । केन्द्र र अस्पतालबीच मिर्गौला प्रत्यारोपणका लागि २०७८ चैत १० गते सम्झौता भई प्रत्यारोपण सेवा सुरु गर्ने समझदारी भएको निर्देशक खड्काले बताउनुभयो ।

प्रदेश अस्पतालमा नियमित प्रत्यारोपण सेवा सञ्चालन गर्ने योजना अस्पतालमा कार्यरत चिकित्सक, नर्स तथा प्राविधिकलाई क्षमता वृद्धि गरी आत्मनिर्भर बनाउनको लागि केहीलाई केन्द्रमा थप तालिमका लागि पठाएको र केहीलाई पठाउने योजना बनाएको अस्पतालका निर्देशक खड्काले जानकारी दिनुभयो ।

कर्णाली प्रदेशका सामाजिक विकास मन्त्री खड्कबहादुर पोखरेलले अब कर्णालीका जनताले मिर्गौला फेल भएर ज्यान गुमाउनुपर्ने समस्या कम हुने बताउनुभयो । उहाँले प्रदेश अस्पतालले नमूना काम गरेको जनाउँदै प्रदेश सरकारले पनि अस्पतालको विकासको निम्ति काम गर्दै आएको जनाउनुभयो ।

स्वास्थ्य तथा जनसख्या मन्त्रालयका सचिव देवकुमारी गुरागाईँले पश्चिम नेपालको सरकारी अस्पताल सुर्खेतका लागि प्राथमिकतामा राखेर काम गरिएको र आगामी दिनमा पनि आवश्यक हुने बताउनुभयो । यसभन्दा पहिले २१ माघ २०७९ मा सम्पन्न भएको थियो । त्यति बेला पनि नवलपरासी बर्दघाट नगरपालिका ४ निवासी ४१ वर्षीय आमाले २२ वर्षीय छोरालाई मिर्गौला दिनुभएको थियो ।

प्रतिकृया दिनुहोस्