OnlinePana

आज : २०८० चैत्र ६ गतेPreeti to UnicodeUnicode to PreetiRoman to UnicodeDate Converter
कोरपाटी संवाददाताचैत्र १३, २०७९सुर्खेत
२५५ पटक

 १३ चैत २०७९, सोमबार

कर्णाली प्रदेशको राजधानी जिल्ला सुर्खेतमा कार्यरत ६० पत्रकारहरुको निःशुल्क आँखा जाँच गरिएको छ ।

नेपाल पत्रकार महासंघको ६८औं स्थापना दिवसको अवसरमा महासंघ सुर्खेतको समन्वय तथा नेपाल नेत्र ज्योति संघसँगको सहकार्यमा सुर्खेतका पत्रकारहरुको निःशुल्क आँखा जाँच गरिएको हो । महासंघ सुर्खेतमा आज पत्रकारहरुका लागि निःशुल्क आँखा शिविर सञ्चालन गरिएको थियो ।

शिविरमा खटिएका चिकित्सक दीपेन्द्र सहनीले शिविरमा ६० जना पत्रकारहरुको आँखा जाँच गरिएको र देखिएको समस्या अनुसार निःशुल्क औषधिका साथै चश्मा उपलब्ध गराईएको बताउनुभयो । उहाँले भन्नुभयो, “जाँचको क्रममा आँखामा समस्या देखिनुको प्रमुख कारण पत्रकारहरुले ल्यापटप, कम्प्युटर, मोबाईल जस्ता ईलेक्ट्रोनिक वस्तुहरु बढी चलाउनु नै रहेको पाईएको छ ।”

कार्यक्रममा नेपाल नेत्र ज्योति संघअन्तरगत एकीकृत आँखा तथा कान कार्यक्रमका कर्णाली प्रदेश संयोजक मानबहादुर कुँवरले पत्रकारहरु अधिकतम समय विद्युतीय सामग्रीमा बिताउने गरेका कारण आँखामा विभिन्न समस्याहरु देखिएको जनाउनुभयो । ती समस्या समाधान गर्नुका साथै कर्णालीमा अन्धोपनलाई हटाउन आँखा उपचारका निम्ति फरक रणनीति बनाएर संघले काम गर्दै आएको उहाँको भनाई थियो ।

प्रतिकृया दिनुहोस्