पुष २१ गते । कर्णाली राजमार्ग अन्तरगत जुम्लाको तिला ३ त्रिवेणीमा अटो दुर्घटना हुदा दुई जनाको मृत्यू भएको छ ।
जिल्ला प्रहरी कार्यालय जुम्लाका प्रहरी निरीक्षक तथा सूचना अधिकारी यमबहादुर बुढामगरका अनुसार क १ स ११ नम्बरको जुम्ला देखी नाग्म जादै गरेको अटो दुर्घटनामा परि जुम्ला तातोपानी १ निवासी २९ बर्षिय पुरन सार्कीको घटना स्थलमा र जुम्ला तिला गाउँपालिका ३ थापा गाउँका २० बर्षिय आकाश थापाको अस्पतालमा उपचारको क्रममा मृत्यू भएको हो ।
जिल्ला प्रहरी कार्यालयका अनुसार सार्कीको घटनास्थलमा र थापाको उपचारको क्रममा कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा मृत्यूभएको छ । प्रहरीका अनुसािर अटोले पाउरोटी ओसार पसार गर्दै आएको थियो । यसैगरी अटो कर्णाली राजमार्गबाट १० देखी १५ मिटर तल तिला नदीको छेउमा खसेको थियो । प्रहरीका अनुसार दिउँसो साढे २ बजे अटो दुर्घटना भएको हो ।
