१३ पुस २०७९, बुधबार
नेकपा (माओवादी केन्द्र) कर्णाली प्रदेशसभा दलको नेतामा राजकुमार शर्मा सर्वसम्मत चयन हुनुभएको छ ।
नेकपा माओवादी केन्द्र कर्णाली प्रदेश समितिको आज बसेको बैठकले शर्मालाई सर्वसम्मत रुपमा दल नेतामा चयन गरेको प्रदेश अध्यक्ष बिमला केसीले जानकार दिनुभयो । अध्यक्ष केसीले भन्नुभयो, “दल नेतामा कालिकोटका दुर्गबहादुर रावत, सुर्खेतका विन्दमान विष्ट र कृष्ण जिसी दावी रहेको थियो । हिजो र आज बसेको प्रदेश समितिको बैठकमा बृहत छलफलपछि उहाँलाई दलको नेतामा सर्वसम्मत बनाइएको हो ।”
दलको नेतामा निर्वाचित शर्मा रुकुम पश्चिम (ख)बाट प्रदेशसभा सदस्यमा निर्वाचित हुनुभएको थियो । विसं.२०७४ सालमा जिल्ला समन्वय समिति रुकुमपश्चिमको प्रमुख भएर काम गरिसक्नुभएका उहाँले पार्टीको जिल्ला इञ्चार्ज, प्रदेश अध्यक्ष हुँदै हाल नेकपा माओवादी केन्द्रको पोलिटब्यूरो सदस्य हुनुहुन्छ ।
