५ मंसिर २०७९, सोमबार

बैतडीको पाटनमा भएको जीप दुर्घटनामा हुँदा ३ जनाको मृत्यु भएको छ । आज बिहान भएको जीप दुर्घटनामा परी ३ जनाको घटनास्थलमै मृत्यु भएको जिल्ला प्रहरी कार्यालय बैतडीका सूचना अधिकारी प्रहरी निरीक्षक लोकराज जोशीले बताउनुभयो ।

दशरथचन्द राजमार्गअन्तर्गत पाटन नगरपालिका–४ को थुम भन्ने ठाउँमा जीप दुर्घटना भएको बताउँदै उहाँले मृतकहरुको सनाखत हुन नसकेको जनाउनुभयो।

जिल्ला सदरमुकाममा मतपेटिका पुर्‍याएर फर्किँदै गरेको प्रहरी टोली चढेको जीप सडकबाट करिब ३०० मिटर तल खसेको छ । उक्त घटनाबारे थप विवरण आउन बाँकी रहेको प्रहरीले जनाएको छ ।