२२ कात्तिक २०७९, मंगलबार

तिलागुफा नगरपालिका ५ कालीकोट खल्लागाडस्थित जीप दुर्घटना हुँदा तीनजनाको मृत्यु भएको छ ।

मृत्यु हुनेमा मुगु गमगढीका २१ वर्षीय अक्कल विश्वकर्मा, २१ वर्षीय रमेश बुढा र २५ वर्षीय सुदर्शन सेजुवाल रहेको जिल्ला प्रहरी कार्यालय कालीकोटका प्रमुख जयश्वर रिमालले जानकारी दिनुभयो ।

मुगुबाट सुर्खेत आउँदै गरेको भे १ च ४४१२ नम्बरको जीप आज कालिकोटको तिलगुफा–५ स्थित दुर्घटना भएको उहाँले बताउनुभयो । उहाँका अनुसार दुर्घटनामा परेर ७ जना घाइते भएका छन् ।