भाद्र ३०, २०७९
२४९ पटक
३० भदौं २०७९ बिहीबार
कर्णाली प्रदेश प्रहरी कार्यालय सुर्खेतले हातहतियारको मुद्दा लागरे फरार रहेका एक प्रतिवादीलाई पक्राउ गरेको छ ।
प्रहरीले वीरेन्द्रनगर नगरपालिका ९ सुर्खेत लाटीकोइली निवासी २२ वर्षीय समीर श्रेष्ठ पक्राउ गरेको हो । उनलाई प्रदेश ब्युरोबाट खटिएको प्रहरी टोलीले मंगलबार बेलुका करिब ७ः०० बजेतिर पक्राउ गरेको कर्णाली प्रदेश प्रहरी कार्यालय सुर्खेतका प्रवक्ता एवं प्रहरी बरिष्ठ उपरीक्षक माधवप्रसाद श्रेष्ठले जानकारी दिनुभयो ।
प्रवक्ता श्रेष्ठका अनुसार सुर्खेत जिल्ला अदालतको लगत नं. ३१४७ को प्रतिवादी श्रेष्ठलाई दुई महिना १० दिन कैद सजाय र पाँच हजार जरिवाना तोकेपछि उनी फरार रहेका थिए । पक्राउ परेका श्रेष्ठलाई सम्मानित सुर्खेत जिल्ला अदालतमा आज बुझाइएको कर्णाली प्रदेश प्रहरी कार्यालय सुर्खेतले जनाएको छ ।
