१७ भदौ २०७९, शुक्रबार
नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल प्रचण्ड आज सुर्खेत आउँदै हुनुहुन्छ ।
नेकपा (माओवादी केन्द्र) कर्णाली प्रदेश समितिद्वारा सुर्खेत वीरेन्द्रनगरस्थित सिटी हलमा आयोजित पार्टी प्रशिक्षण कार्यक्रम सम्बोधनका लागि अध्यक्ष प्रचण्ड सुर्खेत आउन लाग्नुभएको प्रदेश अध्यक्ष बिमला केसीले जानकारी दिनुभयो । अध्यक्ष बिहीबार नै सुर्खेत आउने कार्यक्रम रहेपनि सिट बाँडफाँडका लागि काठमाडौंमा सत्ता गठबन्धनभित्रको बैठकका कारण आउन नसक्नुभएको उहाँले बताउनुभयो ।
प्रशिक्षण कार्यक्रममा भने उपमहासचिवद्वय जनार्दन शर्मा (प्रभाकर) र शक्ति बस्नेत (सुरेश) बिहीबार देखि नै सुर्खेतमा हुनुहुन्छ । उक्त प्रशिक्षण कार्यक्रममा नेकपा माओवादी केन्द्रका कर्णाली प्रदेश इन्चार्ज, सहइन्चार्ज, केन्द्रीय सदस्य, प्रदेश सदस्य तथा जिल्ला समन्वय समितिका अध्यक्षहरुको सहभागिता रहेको जनाइएको छ । शुरबहादुर सिंह
