आषाढ १८, २०७९
५२० पटक
१९ असार २०७९ शनिबार
पातारासी गाउँपालिका–४ जुम्ला स्थित बागजाले पाटनमा परेको चट्याङले पाँच जना कृषकका ८० भेडा मरेका छन् । सो चट्याङका कारण करिब ३०० भेडा हराएका छन् ।
पातारासी गाउँपालिका–४ लुम निवासी पाँच कृषकका भेडा मरेको गाउँपालिकाका पशु शाखाका प्राविधिक हरि कामीले जानकारी दिनुभयो । प्राविधिक कामीका अनुसार चट्याङ परेको पाटनमा अप्ठ्यारो भिर भएकाले खोजतलास गर्न कठिनाइ भएको छ ।
सोही गाउँपालिकामा रहेको प्रहरी चौकी डिल्लीचौरका प्रमुख बद्री साउदका अनुसार चट्याङ लागेर पाटनमा मरेका भेडा किसान जोरा रोकाया, रामबहादुर रेउले, शङ्कर नेपाली, धर्म रेउले र मानबहादुर रोकायाको रहेको प्रहरी चौकी डिल्लीचौरले जनाएको छ ।
