जिल्ला समन्वय प्रमुख समितिका प्रमुख गौरीनन्द आचार्यले लागु औषध प्रयोग गर्ने आफ्नो केटाकेटी भएपनि सुधार्नका लागि प्रहरीलाई खबर गर्नुपर्ने बताउनुभयो ।
जुन २६ तारिखका दिन मनाइने अन्तर्राष्ट्रिय लागु पदार्थ तथा अवैध तस्करी विरुद्धको दिवस जुम्लाममा गरिएको सचेतना मुलक र्यालीमा प्रमुख आचार्यले सो कुरा बताउनु भएको हो ।
जिल्लामा स्थानीय प्रशासन र जिल्ला प्रहरी कार्यालय जुम्लाको अगुवाईमा सम्पन्न र्याली कार्यक्रममा प्रमुख आचार्यले लागु औषध अहिलेको यूवा पुस्तामा भयानक रुपमा आएकाले त्यस्तो देखिएमा अभिभावकले प्रहरीलाई सहयोग गर्ने दिन आएकोमा जोड दिनुभयो ।
लागु पदार्थ तथा अवैध तस्करी विरुद्ध दिवसको नारा ‘स्वास्थ्य र मानवीय सङ्कटका समयमा लागु पदार्थको चुनौतीहरूको सम्बोधन’ भन्ने मुलनाराका साथ जुम्लाको सदरमुकाम मुख्य बजारबाट कालेखोली बसपार्क बिजयनगर हुदै मुख्य बजारमा रयाली सकिएको छ ।
प्रमुख जिल्ला अधिकारी बिजया कुमारी प्रसाइले लागुऔषध कारोबार व्यापक हुन थालेकाले यसलाई नियन्त्रण गर्न मुख्य प्राथमिकता दिन आबश्यक रहेको बताउनुभयो । उहाँका अनुसार “हामीले लागुऔषध कारोवार नियन्त्रणलाई नै प्राथमिकता दिएका छौँ”।
यसका लागी सबैसरोकारवाला निकाय एकजुट हुन जरुरी छ । उनले भनिन, प्रहरी प्रशासनको तर्फबाट बिद्यालय , गाउँटोलमा समेत अपराधिक गतिविधि बिरुद्धका सचेतना कार्यक्रम भइरहेका छन ।
“यसले उनीहरुको भविष्य नै डामाडोल हुनसक्छ, त्यसैले अभिभावकहरु पनि अलि चनाखो बन्नुपर्छ ।”अभिभावकले बेलैमा ध्यान नदिँदा बालबालिका कुलतमा फस्ने र अपराधमा पनि सम्लग्न हुने गरेको प्रति चिन्ता बढेको छ । 
