१९ जेठ २०७९, बिहीबार
कर्णाली प्रदेशका १५ स्थानीय तह स्थानीय तह पूर्वाधार सहयोग कार्यक्रमअन्तरगत छनौटमा परेका छन् । संघीय मामिला तथा सामान्य प्रशासन मन्त्रालयले कर्णाली प्रदेशका चार नगरपालिका र ११ गाउँपालिका यो कार्यक्रमको लागि छनौट गरेको हो ।
सामान्य प्रशासन मन्त्रालयका अनुसार बेलायत सरकारको आर्थिक सहयोगमा विश्व खाद्य कार्यक्रम र संयुक्त राष्ट्र संघीय विकास कार्यक्रमको सहयोगमा उक्त कार्यक्रम सञ्चालन हुनेछ । स्थानीय पूर्वाधार सहयोग कार्यक्रम कर्णाली प्रदेशमा २०२३ जुलाईसम्म सञ्चालन हुने जनाइएको छ ।
कर्णााली प्रदेशबाट ५७ स्थानीय तहबाट आएको आशयकाे मूल्याङ्कनका आधारमा १५ स्थानीय तह छनौटमा परेको सामान्य प्रशासन मन्त्रालयले जानकारी दिएको छ । सो कार्यक्रमअन्तरगत पूर्वाधार विकास, जलवायु परिर्वतन, फोहोर मैला व्यवस्थापनलगायतको क्षेत्रमा काम सञ्चालन हुनेछ ।
