मुगुका सांसद मोहन बाँनिया पाँच लाख धरौटीमा छुटे पछि उनका आफन्तले पीडितलाई धम्की दिन थालेका छन । बलात्कारको आरोपमा थुनिएका सांसद बाँनियालाई जिल्ला अदालत बाँकेले पाँच लाख धरौटीमा छुटाएको छ । अहिले पिडितलाई धम्की आउन थालेको छ ।
पहिले आफन्तले पीडित महिलालाई बयान फेर्न दबाब दिएका थिए तर बकपत्र भईसकेपछि धम्की दिन थालेका छन् । पिडितका अनुसार सामाजिक संजाल तथा टेलिफोनबाट बानियाका आफन्तले बयान फेर्न दवाब दिने गरेका थिए । आफु पिडित भएकाले बयान परिर्वतन हुने कुरा भएन, अहिले धम्की आउन थालेको पिडितले भनिन । टेलिफोनमा अव ज्यानको बाजी राख है भनेर फोनबाट धम्की आएकाले तनाब थप बढेको बताईन ।
पिडितका अनुसार बयान अघि वानियाका आफन्त नरेन्द्रबहादुर रावलको सामाजिक सञ्जालको मेसेन्जरबाट “बयान चेन्ज गर्न सकिन्छ कि हजुर, के छ कुरो र कुलो जता लायो उतै जाने हो” भन्ने प्रकारको म्यासेज आएको र फोनबाट दवाव समेत दिएका थिए । उनका अनुसार यति मात्रै नभई सुर्खेतमा सांसद दानसिंह परियार सहितको टिम माईति घरमा गएर मिल्न दावाव पनि दिएका थिए । तर अहिले बयान पछि ज्यानको धम्कि आउन थालेका छन् ।
२०७८ फागुन १६ गते पक्राउ परेका निलम्वित सांसद वानियाँ विरुद्ध नेपालगञ्जको एक होटलमा एक महिलालाई जबर्जस्ती करणी गरेको उजुर परेको थियो । बानियाँलाई सभामुख अग्निप्रसाद सापकोटाले प्रतिनिधिसभा नियमावली २०७५, नियम २४४ को उपनियम ३ बमोजिम निलम्बन गरेका थिए ।
पिडित महिलाले अहिले अदालतले उनलाई रु पाँचलाख धरौटीमा रिहाई गरेको बिषय अन्याय भएको भन्दै उच्च अदालत वाँकेमा ७३ नम्बरको निवेदन पुन लगाईएको जानकारी दिईन । उनले भनिन एक त आफु अन्यायमा छु त्यसैमा वानियाका आफन्तबाट दबाब धम्किी आउन थालेकाले झन तनाब भईरहेको छ । उनले भनिन ७३ नम्बरले आफुलाई न्याय दिनेछ । आवश्यक प्रमाणहरु समेत पेस गरेको छु ।
फैसला नहुदै संसद छिर्ने प्रयास :
प्रतिनिधि सभाका निलम्बित सांसद मोहन बानियाँ पदबहालीको निवेदनसहित एक महिना अघि संसद् सचिवालय पुगेपछि संसद सचिवालयमा तर्सिको थियो ।
बलात्कारको आरोपमा थुनिएर पाँच लाख धरौटीमा छुटेका प्रतिनिधिसभाका निलम्बित सांसद मोहन बानियाँ पदबहालीको निवेदनसहित एक महिना अघि संसद सचिवालयमा पुगेका थिए । सचिवालयका प्रवक्ता रोजनाथ पाण्डेका अनुसार उनि सचिवालयमा निवेदन लिएर आएका थिए । उनको निवेदन दर्ता नभएको जानकारी दिनुभयो ।
मुगुको खत्याड गाउँपालिका–३ का बासिन्दा बानियाँ एमालेका समानुपातिक सांसद हुन । सामान्य बुझाइ र प्रचलन अनुसार बलात्कार जस्तो आरोप खेपेका सांसदविरुद्ध मुद्दाको अन्तिम फैसला नहुन्जेलसम्म निलम्बन कायम रहनुपर्ने हो । तर, उनी आदेश पत्रको फोटोकपी बोकेर प्रतिनिधिसभा सचिवालयमा पुगेको खबरले कानून मिच्ने प्रयास गरिएको र शक्तिको दुरउपयोग गर्दै आएको पिडितको भनाई छ ।
