नेपाली अपाङ्गता भएका व्यक्तिहरुको छाता संगठन राष्ट्रिय अपाङ्ग महासंघ नेपालको कर्णाली प्रदेश अध्यक्षमा बिष्णु शर्मा पुन निर्वाचित हुनु भएको छ ।
बुधवार विरेन्द्र नगरमा सम्पन्न चौथो साधारणसभा तथा दोस्रो अधिवेशनबाट अध्यक्षमा पुन बिष्णु प्रसाद शर्मा निर्वाचित हुनु भएको हो ।
यसैगरी शारिरिक महिला उपाध्यक्ष लिला वली, सचिवमा यज्ञप्रसाद देवकोटा, सहसचिवमा हेमन्त बुढामगर, कोषाध्यक्षमा सुरेश कुमार खड्का सहित १७ सदस्यीय कार्यसमिति चयन भएको राष्ट्रिय अपाङ्ग महासंघ नेपालले जनाएको छ ।
शर्माले ३३ मत र शर्माका प्रत्यासी बिष्णुप्रसाद भट्टराईले ३१ मत प्रदान गर्नु भएको थियो । कर्णाली प्रदेशमा ३३ वटा अपांगता भएका व्यक्ति र अभिावकले स्थापना गरेर महासंघमा नविकरण भएका जम्मा ६६ संस्था मध्य ६४ मत खसेको थियो । कार्यसमितिको अध्यक्ष र एक सदस्य वाहेक सवै पदका उम्मेदवार निर्विरोध निर्वाचित भएका छन् । नवनिर्वाचित अध्यक्ष शर्माले अपांगता क्षेत्रमा कर्णालीमा धेरै कुरा गर्नुपर्ने वाँकी रहेकाले सल्लाह सहकार्य गरेर अगाडि बढ्ने बताउनुभयो ।
