११ मंसिर २०७८, शनिबार
नेकपा (माओवादी केन्द्र)का अध्यक्ष पुष्पकमल दाहाल (प्रचण्ड) ले एमालेको दशौं महाधिवेशनलाई कुम्भ मेलाको संज्ञा दिनुभएको छ। चितवनको भतरतपुर महानगरमा शुक्रबारदेखि जारी १०औं महाधिवेशनमा विचार र बहसलाई कुनै ठाउँ नदिइएको उहाँको प्रतिक्रिया थियो ।
द्शैभरिका ७५३ गाउँ तथा नगरपालिका अधिवेशनलाई भर्चुअल माध्यमबाट उद्घाटन गर्दै दाहालले शनिबार पार्टीमा विचारको विकासका लागि बहस गर्नुपर्ने र संगठित संरचना चुस्त पार्नुपर्नेमा जोड दिनुभयो । आफ्नै निर्वाचन क्षेत्रमा आयोजित एमालेको दशौं महिधवेशन हुँदा पनि शुभकामनासम्म दिन नगएका उहाँले त्यस्तो आलोचना गर्नुभएको हो ।
‘हिजो हामीले कुम्भमेला जस्तो मेला देख्यौं । जहाँ विचार र बहसलाई कुनै ठाउँ दिएको देखिएन। त्यहाँ जनतालाई भ्रम दिने ध्यान मात्रै छ,’ उहाँले भन्नुभयो । उहाँले एमालेको महाधिवशेनलाई तथाकथितु भएको तकै गर्नुभयो ।
राष्ट्रिय सम्मेलनको तयारीमा रहेको माओवादीले विचारको बहसलाई प्राथमिकता दिने अध्यक्ष प्रचण्डको भनाइ थियो । उहाँले भन्नुभायो, ‘तथाकथित महाधिवेशन भइरहेका छन् । ती सबैभन्दा भिन्न हामी विचार, राजनीतिक लाइन, संगठनात्मक कार्यदिशाका साथै हाम्रो कार्यशैली र आचार व्यवहारलाई प्राथमकिता दिने सम्मेलन गर्दैछौं ।’
एमालेको महाधिवेशन र माओवादीले आयोजना गर्न लागेको राष्ट्रिय सम्मेलनमा कुनै तुलना हुन नसक्ने दाहालको भनाइ थियो । ‘अरुका तथाकथित अधिवशेन र हाम्रो विचार निर्माण, विचार विकास र विचार संश्लेषणको, सम्मेलनको कुनै तुलना हुन सक्दैन,’ उहाँले भन्नुभयो ।
अध्यक्ष प्रचण्डले माओवादीप्रति जनतामा आशा जागेको पनि बताउँदै माओवादीप्रति तराई(मधेसदेखि हिमालसम्म जनाधार बढ्दै गएको समेत दावी गर्नुभयो । माओवादी कमजोर भयो भने परिवर्तनका एजेन्डा, राष्ट्रियता कमजोर हुने र देश दुर्घटनामा जाने भन्दै पार्टी सदस्यहरूलाई आफ्ना एजेन्डाप्रति दृढ रही रक्षा गर्न सम्बोधनबाटै उहाँले निर्देशन दिनुभएको थियो ।
