नेपाल पत्रकार महासंघ शाखा जुम्लाले क्रियाशिल पत्रकार पुरस्कारका लागि रु पाँच लाखको कोष स्थापना भएको छ ।
हिमा गाउँपालिका जुम्लाको आर्थिक सहयोगमा नेपाल पत्रकार महासंघ शाखा जुम्लाले कोष स्थापना गरेको हो । गाउँपालिकाले दिएको उक्त रकमको जुम्लामा क्रियाशिल पत्रकारका लागि पुरस्कार वितरण गरिने छ । कोषको औपचारिक घोषणा हिमा गाउँपालिका अध्यक्ष तथा गाउँपालिका राष्ट्रिय महासंघका उपाध्यक्ष लक्ष्मणबहादुर शाहीले उद्घाटन गर्नुभएको छ । गाउँपालिका अध्यक्ष शाहीले महासंघ जुम्लाका अध्यक्ष नेत्रबहादुर शाहीलाई हस्तान्तरण गर्नु भएकाे छ । यसैगरी सो कोषबाट आएको रकमको व्याज तथा महासंघबाट ३ जना क्रियाशिल पत्रकारिता पुरस्कारबाट पुरस्कृत भएका छन् ।
क्रियाशिल पत्रकारहरु दिलमाया शाही, पत्रकार कृष्णमाया उपाध्याय र पत्रकार मानदत्त रावललाई परस्कृत गरिएको छ । पत्रकार दिलमाया शाही गौरी–पदम स्मृति पुरस्कारबाट पुरस्कृत हुनु भएको छ, शाहीलाई रु एघार हजार एकसय ११ रुपैया नगद तथा प्रमाणपत्र प्रदान गरिएको छ । यसैगरी पत्रकार कृष्णमाया उपाध्यायलाई रु १० हजार एकसय रुपैयाले नगद तथा प्रमाणपत्र प्रदान गरिएको छ । यसैगरी पत्रकार मानदत्त रावललाई रु १० हजार एक सय रुपैया र नगद सहित पुरस्कृत गरिएको हो ।
पुरस्कृत हुने पत्रकारलाई हिमा गाउँपालिकाका अध्यक्ष लक्ष्मणबहादुर शाही र प्रमुख जिल्ला अधिकारी जयकुमार घिमिरेले पुरस्कार तथा प्रमाणपत्र प्रदान गरिएको हो । कार्यक्रममा हिमा गाउँपालिका अध्यक्ष शाहीले जुम्लाको ईतिहासमा पत्रकारहरुको कामको प्रोत्साहन गर्न यो काममा सहयोग गरिएको बताउनुभयो । उहाँले क्रियाशिल र अग्रज पत्रकारलाई सोही अनुसार सम्मान हुने बिषयको पत्रकारहरुलाई शुभकामना दिनुभयो ।
प्रमुख जिल्ला अधिकारी जयकुमार घिमिरेले पत्रकारिता क्षेत्रको संघर्षमा प्रोत्साहन हुने काममा कोषबाट राम्रो भएकाले यसलाई बढ्वा दिन आवश्यक भएको जोड दिनुभयो । उहाँले पुरस्कृत हुने पत्रकारलाई वधाई दिदै आगामी दिनको शुभकामना दिनुभयो । पत्रकार महासंघका संस्थापक अध्यक्ष नरेन्द्रनाथ योगीले यो कार्य एक नमूना र पे्रणादायी काम भएकाले सवै स्थानीय तहले यसमा जोड दिन आवश्यक रहेको थियो । उहाँले हिमा गाउँपालिकालाई विशेष धन्यवाद दिनुभयो ।
कार्यक्रममा वोल्दै, नेपाल पत्रकार महासंघ शाखा जुम्लाका अध्यक्ष नेत्रबहादुर शाहीले महासंघको ईतिहासमा जुम्लामा संघर्ष गर्ने क्रियाशिल पत्रकारहरुका लागि स्थापना भएको पत्रकार कोषका लागि हिमा गाउँपालिकालाई धन्यवाद दिनुभयो । उहाँले पुरस्कृत हुने पत्रकारलाई वधाई दिदै आगामी दिनमा यसको दायरा र राशी बढाउनुपर्ने बताउनुभयो ।
