२७ माघ २०८०, शनिबार

कर्णाली प्रदेश प्रमुख तिलक परियारले तामाङ समुदायको महत्वपूर्ण पर्व सोनाम ल्होसारको अवसरमा शुभकामना व्यक्त गर्नुभएको छ ।

आज एक शुभकामना सन्देश जारी गर्दै प्रदेश प्रमुख परियारले सोनाम ल्होसार (नयाँ वर्ष)को अवसरमा कर्णालीवासीलगायत स्वदेश तथा विदेशमा रहेका सबै नेपाली आमाबुबाु, दिदीबहिनी तथा दाजुभाईमा सुस्वास्थ्य, प्रगति र दीर्घायू जीवनको शुभकामना व्यक्त गर्नुभएको हो ।

सन्देशमार्फत उहाँले भन्नुभएको छ, “नेपाल बहुजातिय, बहुभाषिक, बहुसाँस्कृतिक तथा भौगोलिक विविधतायुक्त विशेषता बोकेको राष्ट्र हो । हामीसँग विविधताबीचको एकता, सामाजिक, सहिष्णुता, सद्भाव र साँस्कृतिक ऐक्यवद्धता छ । यसको संरक्षण एवं प्रवद्र्धन गर्दै वर्गीय, जातीय, क्षेत्रीय, भाषिक, धार्मिक, लैङ्गिक विभेद र सबै प्रकारका जातीय छुवाछुतको अन्त्य गर्नु हामी सबैको दायित्व हो ।”

प्रदेश प्रमुख परियारले सोनाम ल्होसार आर्थिक समानता, समृद्धि र सामाजिक रुपान्तरण गर्न तथा समानुपातिक समावेशी र सहभागितामूलक सिद्धान्तका आधारमा समतामूलक समाजको निर्माणमा सहयोग पु¥याउन एवं मुलुकमा शान्ति, सद्भाव र समृद्धि ल्याउन प्रेरणाको स्रोत बन्ने विश्वास व्यक्त गर्नुभएको छ ।