पुष १ गते । कृषि विकास वैंकले कर्णाली स्वास्थ्य विज्ञान प्रतिष्ठान शिक्षण अस्पताल जुम्लालाई बृहत वाटर डिस्पेन्सन खानेपानी मेशिन हस्तान्तरण गरेको छ ।
कृषि विकास वैंक कर्णाली प्रदेश र कृषि विकास बैंक लिमिटेड कार्यालय जुम्लाले सामाजिक क्षेत्रको कार्य अन्तरगत तातोपानी, मनतातो पानी र चिसो पानी आउने मेशिन हस्तान्तरण गरेका होे । बैंकका कर्णाली प्रदेश प्रमुख तथा निर्देशक डाक्टर सुरज टण्डन, जिल्ला शाखाका प्रवन्धक खुम्बिलाल शर्माले एक कार्यक्रमका विच रू पाच लाख बराबरकाे प्रतिष्ठानलाई शुद्दखानेपानी फिल्टर गर्ने मेशिन हस्तान्तरण गर्नु भएको छ ।
मेशिन हस्तान्तरण गर्दै कृषि विकास बैंक कर्णालीका प्रमुख तथा निर्देशक डाक्टर टण्डनले बैंकले सामाजिक उत्तरदायित्व अन्तरगत मेशिन सहयोग गरिएको बताउनुभयो । उहाँले यस प्रकारका सहयोगबाट स्थानीय तहमा वीत्तीय शिक्षा ज्ञान र साक्षरता समेत बृद्धि गर्ने अभिप्रायले कर्णाली स्वास्थ्य विज्ञान प्रतिष्ठानलाई चिसोको समयमा बहुउद्देश्यीय खानेपानीको मेशिन प्रदान गरिएको बताउनुभयो ।
उहाँले यो सहयोगले प्रतिष्ठानका विरामी, कुरुवा, कर्मचारी लाभग्राही हुने भएकाले सामाजिक क्षेत्रमा लगानी गरिएको बताउनुभयो । मेशिन ग्रहण गर्दै प्रतिष्ठानका शिक्षाध्यक्ष डवलसिंह धामीले बैंकले वित्तीय रुपमा मात्रै काम नगरि सामाजिक क्षेत्रमा काम गरेकोमा धन्यवाद दिनुभयो । उहाँले चिसोको समयमा तातोपानी समेत आउने मेशिन उपलब्ध गराईएको विषय आवश्यकतामा आधारित भएको जानकारी भयो ।
प्रतिष्ठानका रजिष्ट्रार नृपेन्द्र महतका अनुसार कर्णाली प्रतिष्ठानका अनुसार यस मेशिनबाट लाभान्वित धेरै हुने आशा गरिएको बताउनुभयो । उहाँले यस कार्यका लागि बैंकलाई धन्यवाद दिनुभयो । उहाँले वैंक सँगको सहकार्य लामो भएको भन्दै सामाजिक कामकामा लगानी राम्रो हुने बताउनुभयो ।
कृषि विकास बैंक जुम्लाले २०७५ साल देखी कर्णाली स्वास्थ्य विकास प्रतिष्ठान शिक्षण अस्पतालको हाता भित्र एक्टेसन काउन्टर सहित सेवा समेत सञ्चालन गरेको छ । बैंकका जिल्ला प्रवन्धक खुम्बिलाल शर्माका अनुसार कर्णाली प्रतिष्ठानमा एक्सटेन्सन काउण्टर तथा एटिएम समेत स्थापना गरिएको जानकारी दिदै मेशिनले स्वस्थ्य खानेपानी आपुर्तिमा सहयोग पुरयाउने जानकारी दिनुभयो । उहाँका अनुसार उक्त मेशिनले एकै पटक तीन सय लिटर पानी फिल्टर गर्ने क्षमता रहेको छ ।
