जुम्ला जिल्लामा स्वास्थ्य सेवा प्रवाह, स्वास्थ्य कार्यक्रम सम्पादन तथा व्यवस्थापनमा सिंजा गाउँपालिका जिल्लाकै उत्कृष्ट भएको छ । आर्थिक वर्ष ०७९÷०८० मा कार्यसम्पादनको आधारमा जिल्लाका ८ स्थानीय तहमध्ये सिंजा गाउँपालिकाले (उत्कृष्ट) प्रथम स्थान हासिल गरेको हो ।
जिल्ला स्तरमा प्रथमस्थान प्राप्त गरेको सिंजा गाउँपालिका जुम्लालाई बार्षिक समीक्षा कार्यक्रममा स सम्मानसहित प्रशंसा पत्र प्रदान गरिएको जनस्वास्थ्य सेवा कार्यालय जुम्लाका प्रमुख कृष्ण सापकोटाले जानकारी दिनुभयो । उहाँका अनुसार स्वास्थ्य सेवा प्रवाह र स्वास्थ्य कार्यक्रम सम्पादन तथा व्यवस्थापनका आधारमा प्रथम स्थान प्राप्त गर्न सफल भएको हो ।
स्वास्थ्य सेवालाई अझ प्रभावकारी एवंम गुणस्तीय बनाउनका लागि सिंजा गाउँपालिकाले महत्वपूर्ण योगदानको अपेक्षा गरिएको जनस्वास्थ्य सेवा कार्यालय जुम्लाले जनाएको छ ।
यस्तै स्वास्थ्य सेवा प्रवाह र कार्यक्रम सम्पादन तथा व्यवस्थापनको आधारमा गरिएको मुल्यांकनमा चन्दननाथ नगरपालिकाले दोस्रो स्थान प्राप्त गरेको छ भने हिमा गाउँपालिका तेस्रो स्थान हासिल गरेको जनाएको छ । गतवर्ष चन्दननाथ नगरपालिका प्रथम, कनकासुन्दरी दोस्रो र सिंजा गाउँपालिकाले तेस्रो स्थान प्राप्त गरेको थियो ।
जिल्ला भरकै स्वास्थ्य सेवा प्रवाह र कार्यक्रम सम्पादन तथा व्यवस्थापन प्रथम स्थान प्राप्त गरेको सिंजा गाउँपालिका स्वास्थ्य शाखा प्रमुख ललित रोकायाले बताउनुभयो । उहाँले भन्नुभयो, यसबाट थप हौसला मिलेको छ । अझै आगामी दिनमा कार्यसम्पादन तथा सेवा प्रवाह प्रभावकारी बनाउने छौँ ।
यस्तो नतिजा :
