कोरपाटी संवाददाताफागुन १८, २०७९सुर्खेत
१९४ पटक
१८ फागुन २०७९, बिहीबार
राष्ट्रिय प्रजातन्त्र पार्टीले मुख्यमन्त्री राजकुमार शर्मा नेतृत्वको कर्णाली प्रदेश सरकारलाई दिएको समर्थन फिर्ता लिएको छ ।
कर्णाली प्रदेश प्रमुख तिलक परियारसमक्ष राप्रपाका प्रदेशसभा सदस्य सन्तोषी शाहीले आज एक लिखित पत्र बुझाउँदै सरकारलाई दिएको समर्थन फिर्ता लिएको बताउनुभयो । संघ सरकारमा रहेको राप्रपाले सरकारलाई दिएको समर्थन फिर्ता लिएसँगै केन्द्रले पठाएको निर्णय अनुसार प्रदेश सरकारलाई दिएको समर्थन फिर्ता लिइएको उहाँले बताउनुभयो ।
उहाँले भन्नुभयो, “परिवर्तित राजनीतिक परिवेशमा राप्रपा सत्तामा रहिरहनु उपयुक्त नहुने केन्द्र पार्टीले निर्णय गरेको छ । त्यही निर्णय मुताबिक राप्रपाले देशभरि प्रदेश सरकारलाई दिएको समर्थन फिर्ता लिन्छ ।” चालीस सदस्य रहेको कर्णाली प्रदेशसभामा राप्रपाको एक सिट मात्र रहेको छ ।
