सुर्खेत, १९ बैशाख २०७७ : कर्णाली प्रदेशका मुख्यमन्त्री महेन्द्रबहादुर शाहीले १३१औं अन्तराष्ट्रिय श्रमिक दिवसका अवसरमा स्वदेश तथा विदेशमा रहनुभएका सम्पूर्ण श्रमजीवी आम नेपाली दाजुभाई, दिदीबहिनीहरुमा सुस्वास्थ्य एवं प्रगतिको लागि हार्दिक शुभकामना व्यक्त गर्नुभएको छ ।
मे १ को अवसरमा आज जारी एक शुभकामना सन्देशमार्फ मुख्यमन्त्री शाहीले परिवर्तनको संवाहकका मजदुर वर्गको हक, हित र अधिकारको सुनिश्चितताको शुभकामना व्यक्त गर्नुभएको छ । विश्वसामु कोरोना भाइरस (कोभिड–१९)ले निम्त्याएको सङ्कटले सिंगो विश्व समुदाय आक्रान्त बनेको बताउँदै मुख्यमन्त्री शाहीले यो समयमा मानव समुदाय र त्यसमा झनै मजदुर वर्गले दैनिक जिवीकोपार्जनसँग जोडिएका कुराहरुमा थप समस्याहरु भोगिरहेको प्रति प्रदेश सरकार गम्भीर भएको बताउनुभएको छ ।
मुख्यमन्त्री शाहीद्वारा हस्ताक्षरित सन्देशमा भनिएको छ, “श्रमजीवि मजदुर वर्गका दैनिक जीविकोपार्जनसंग जोडिएका समस्या सामाधान गर्न तथा राहात प्याकेज उपलब्ध गराउन प्रदेश सरकारको तर्फवाट सबै स्थानीय तहमा आवश्यक बजेट पठाउनुको साथै लकडाउनका कारण बाटो र कार्यस्थलमा अलपत्र मजदुरहरुको उद्धारमा पनि आवश्यक समन्वय भईरहेका छ ।” यो सङ्कट सामनाका लागि प्रदेश सरकार सम्पूर्ण साधनश्रोत तथा संयन्त्रको परिचालनगरी गम्भीरतापूर्वक लागिरहेको भन्दै उहाँले उच्च मनोबलसहित धैर्य गर्न समग्र प्रदेशवासीमा आग्रह गर्नुभएको छ ।
कोरपाटी संवाददाताबैशाख १९, २०७७सुर्खेत
३८७ पटक
- ज्येष्ठ र अपाङ्गता पत्रकारहरूका लागि जीवन निर्वाह भत्ताको व्यवस्था गरिनेछ : प्रधानमन्त्री
- सामुदायिक मानसिक स्वास्थ्यसम्बन्धीको प्रथम अन्तर्राष्ट्रिय सम्मेलन जुम्लामा हुँदै
- लोकतन्त्रको विकासमा प्रेसजगत्को अहम् भूमिकाः मुख्यमन्त्री कँडेल
- कर्णालीमा ‘औद्योगिक प्रदर्शनी प्रतियोगिता’ भोलिदेखि
- अब हाम्रो अभिभारा जनताको अवस्था बदल्नेः मुख्यमन्त्री