११ साउन २०७९, बुधबार
काठमाडौंदेखि सुर्खेत आउँदै गरेको ना.७.ख. ५८११ नम्बरको बसमा ढुंगा खस्दा एक किशोरीको मृत्यु भएको छ ।
आज दिउँसो १ः०० बजे भेरीगंगा नगरपालिका २ सुर्खेत भेरीपुल नजिककै पैसठ्ठीमा भिर माथिबाट ढुंगा खस्दा भगवतीमाई गाउँपालिका २ दैलेखका १७ वर्षीय किशोरी पार्वती शाहीको मृत्यु भएको जिल्ला प्रहरी कार्यालय सुर्खेतका सूचना अधिकारी एवं प्रहरी नायब उपरीक्षक सुरज कार्कीले जानकारी दिनुभयो । मंगलबार बेलुका काठमाडौंबाट सुर्खेतको वीरेन्द्रनगरका लागि छुटेको उक्त बसमाथि ढुंगा खस्दा घाइते किशोरी कर्णाली प्रदेश अस्पताल सुर्खेतमा उपचारको क्रममा मृत्यु भएको उहाँले बताउनुभयो ।
प्रहरी नायब उपरीक्षक कार्कीका अनुसार सडक माथिबाट खसेको ढुंगा बसभित्र पुग्दा वीरेन्द्रनगर ६ सुर्खेत का ४५ वर्षीय राजकुमारी सुनार घाइते भएको र उहाँको प्रदेश अस्पतालमा उपचार भइरहेको छ । मृतक शाही र घाइते सुनार चालकको पछाडिको सिटमा बसेको उक्त गाडीमा उक्त ३१ जना सवार रहेको प्रहरीले जनाएको छ ।
प्रहरीका अनुसार वीरेन्द्रनगर नगरपालिका ३ सुर्खेतका चालक २९ वर्षीय नमबहादुर रोकायलाई नियन्त्रणमा लिईएको छ
