वैशाख १४ गते, जिल्लाको हिमा गाउँपालिकामा माओवादी कार्यकर्ता विच झड्प हुदा एक जना घाईते भएका छन् ।
टिकटको बिषयलाई लिएर दुईपक्ष विच झडप भएको प्रहरीले जनाएको छ । नेकपा माओवादी केन्द्रले जिल्लाबाट दुईजनाको नाममा टिकट आएपछि दुईपक्षविच झडप भएको हो ।
जिल्ला प्रहरी कार्यालयका प्रहरी निरीक्षक तथा सूचना अधिकारी भुवन भट्टका अनुसार कल्पना परियारले माओवादी केन्द्रको उपाध्यक्षमा पहिला उम्मेदवारी दर्ता गराएको र अर्को विनसा रोकायाको नाममा समेत उपाध्यक्षको नाममा पार्टीको टिकट आएपछि रोकिएको थियो ।
उहाँका अनुसार सो विषयलाई लिएर दुई पक्ष विच झड्प भएको छ । झड्प हुदा ढुंगा प्रहारबाट हिमा गाउँपालिका ६ निवासी अन्दाजी ४५ बर्षिय छत्र अधिकारी घाईते हुनु भएको प्रहरीले जनाएको छ । विनसा रोकायाले आफुलाई पार्टीले निर्णय गरेर पठाएपछि टिकट लिएर लाईनमा बसेको थिए । तर आफ्नो नाममा आएको टिकट, केही व्यक्तिले अर्को टिकट लिएर कल्पनाको दर्ता गराएकाले आफु पिडित भएको विनसाले बताईन ।
प्रहरीका अनुसार घाईते अधिकारीलाई उपचारका लागि कर्णाली स्वास्थ्य विज्ञान प्रतिष्ठान शिक्षण अस्पतालमा पठाईएको छ । कल्पना नेपालीले उपाध्यक्षमा उम्मेदवारी दिएपछि विनसाले उपाध्यक्ष पदमा स्वतन्त्र उम्मेदवारी दिएको निर्वाचन अधिकृतको कार्यालयले जनाएको छ । झड्प भएपनि प्रहरी निरीक्षक भट्ट सहितको टोली हिमामा पुगेको छ ।
नेकपा माओवादी केन्द्रका केन्द्रीय सदस्य तथा जिल्ला ईन्चार्ज गजेन्द्रबहादुर महतले टिकट विनसालाई दिएको भएपनि स्थानीय तहमा कल्पनाको दर्ता गराईसकिएकाले समस्या सामाधान गरिनुपर्ने बताउनुभयो । उहाँले दर्ता गराउनेको दोष नभई विचमा समस्या ल्याईदिएकाले के भएको हो बुझ्न प्रयास भईरहेको बताउनुभयो । उहाँले माओवादी नेता कार्यकर्तालाई सम्यम भएर निर्वाचनमा लाग्न अनुरोध गर्नुभयो ।
नेकपा माओवादी केन्द्रले २०७४ सालको स्थानीय तहमा अध्यक्ष सहित बहुमत विजय हाशिल गरेको थियो । यो बर्ष वडामै पनि स्वतन्त्र दिनेको संख्या बढेको छ ।
