२४ साउन २०७८, आईतबार
मध्यपश्चिम विश्वविद्यालयका उपकुलपति प्राडा. नन्दबहादुर सिंहले अपराधिक गिरोहलाई नछाड्ने बताउनुभएको छ।
आज पत्रकार सम्मेलन गर्दै प्रा.डा. सिंहले आफ्नोीवरुद्ध अफवाह फैलाउने अपराधिक गिरोहलाई नछोडिने बताउनुभएको छ । आफ्नाविरुद्ध अपवाह फैलाउने अपराधिक गिरोह बिरुद्ध साइवर अपराधको मुद्धा दर्ता गरिएको प्रा।डा।सिंहले बताए ।
मध्यपश्चिमाञ्चल विश्वविद्यालयका उपकुलपति प्रा.डा. नन्दबहादुर सिंहको मृत्यु भएको भनेर विज्ञप्ति निकाल्ने विरुद्ध साइबर अपराधको मुद्दा दर्ता गरिएको उहाँले बताउनुभयो । ‘विश्वविद्यालयको लेटर प्याड, छापको दुरुपयोग र प्रशासन अधिकृत दिनेश गौतमको हस्ताक्षर किर्ते गरी ‘उपकुलपतिको मृत्यु सम्बन्धमा’ भनेर निकालिए विज्ञप्ति विरुद्ध साइवर अपराधको मुद्दा दर्ता गरिएको छ ।
आफ्नो व्यक्तिगत र संस्थागत जीवनप्रति लक्षित गर्दै श्रृंखलाबद्ध रुपमा आक्रमण हुँदा प्रहरी र जिल्ला प्रशासन कार्यालयले आफुलाई सुरक्षा दिन नसकेको गुनासो सिंहले गर्नुभयो। ‘मेरो निजी आवासमा आक्रमण हुँदा समेत सुरक्षा निकाय र जिल्ला प्रशासन कार्यालयले कुनै चासो दिएन, उहाँले भन्नुभयो, ‘साउन १३ गते उपकुलपतिको निजी निवास र परीक्षा व्यवस्थापन कार्यालय तोडफोड एवं साउन २३ गते सामाजिक सञ्जालमार्फत मेरो मृत्यु भएकोसम्म विश्वविद्यालयको लेटरप्याड, छाप र प्रशासन अधिकृतको हस्ताक्षरसमेत दुरुपयोग गरी सुनियोजित तरिकाले गरिएको अत्यन्तै निन्दनीय अपराधिक र अक्षम्य कार्यको विश्वविद्यालय परिवार घोर निन्दा र भत्सना गर्दछ ।’
विश्वविद्यालयलाई राम्रो बनाउन खोज्दा आफुमाथि श्रृखलाबद्ध आक्रमण भएको उहाँले बताउनुभयो। ‘म उपकुलपति भएर आएको १ वर्ष चार महिना भयो । ममाथि निरन्तर आक्रमण भइरहेको छ ।’ उहाँले भन्नुभयो,‘ श्रृंखलाबद्ध आक्रमण भइरहेको छ । यो विश्वविद्यालय सुधार गर्दा भएको छ ।’
परीक्षा व्यवस्थापन कार्यालय र उपकुलपतिको कार्यालयबाट साइबर अपराधअन्तर्गत मुद्दा दर्ता गर्नेसमेत उहाँले जनाउनुभयो ।
