१७ जेठ २०७८, सोमबार

१, धर्मका दश लक्षण हुन्छन्, जसमा धैर्य, क्षमा, आत्म संयम, चोरी नगर्नु, शौच (स्वच्छता), इन्द्रियलाई वशमा राख्नु, बुद्धि, विद्या, सत्य र अक्रोध (नरिसाउनु) पर्छन् । –मनुस्मृति

२, धर्मको सार भनेकै अरुको जे जस्तो बोली, वचन र व्यवहार आफूलाई मन पर्दैन त्यस्तो बोली, वचन र व्यवहार अरुमाथि पनि नगर्नु हो । –महाभारत

३, धर्मले हमेशा कुमार्गमा लागेकालाई सुमार्गमा ल्याउने र कुमार्गमा लाग्न खोज्नेलाई लाग्न नदिने काम गरेको हुन्छ । –श्रीराम शर्मा आचार्य

४, धर्म भनेको त्यस्तो सङ्कल्प हो, जसमा जस्तोसुकै दुर्जनलाई पनि सज्जन बनाउने सामथ्र्य रहेको हुन्छ । –स्वामी विवेकानन्द

५, पाप मार्गमा लागेर बाँच्नुभन्दा धार्मिक मार्गमा लागेर मर्नु वेश हुन्छ । –गीता

६, जसलाई अधिक प्रेम गरिन्छ उसमाथि घृणा गर्ने अधिकार पनि सुरक्षित हुन्छ । –ओशो

७, गरीवीमा जन्मनु गल्ती होइन तर गरीवीमा मर्नु भने ठूलो गल्ती हो । –बिल गेट्स

८, बदनामी मृत्युभन्दा पनि भयङ्कर हुन्छ त्यसैले यसबाट बच्ने प्रयास गर्नुपर्छ । – गीता

९, जीवन लामो हुनुभन्दा महान् हुनु उत्तम हो । – भीम राव अम्बेडकर

१०, जीवन आफ्नै बुतामा जिउनुपर्छ, अर्काको बुई चडेर होइन । यस्तो काम त केबल मुर्दालाई मात्र सुहाउँछ । –भगत सिंह

११, म अवस्थामा जे सुकै होस् सदैव अवसर निर्माणमा ध्यान दिने गर्छु । – ब्रुसली

१२, गोपनीयता कायम राख्नुभन्दा ठूलो गुरु मन्त्र अर्को हुँदैन । –आचार्य चाणक्य

१३, मेरो दुःखमाथि कोही हाँस्न सक्छन्, हाँसुन् तर मेरो हाँसो अरुको दुःखको कारण भने नबनुन् । –चार्ली च्यापलिन

१४, सुनेको कुरा बिर्सिन्छ, देखेको स्थान याद आउँछ तर गरेको कामको भने सदैव सम्झना भइरहन्छ । –कन्फ्युसियस

१५ सके अरुलाई आफूभित्र र नसके आफूलाई अरुभित्र देख्ने बानी बसाउनुपर्छ । –गीता

स्रोतः विभिन्न पत्रपत्रिका, पुस्तक र इन्टरनेट/संकलकः रातोपाटी