OnlinePana

आज : २०७८ आश्विन ११ गतेPreeti to UnicodeUnicode to PreetiRoman to UnicodeDate Converter

आगोले तीन करोड क्षेति, घटनास्थलमै रु १५ लाखको राहत

संघीय सरकार प्रशासन विपत कोषको रु पाँच लाख ३० हजार नगद :

कोरपाटी संवाददातामाघ १६, २०७७काठमाडौं
१६७ पटक

खलंगा माघ १६ गते । आगोले बस्ति नै नष्ट भएको जुम्लाको गुठीगाउँमा रु तीन करोडको क्षेति भएको छ । ३२ घर, गाई गोरु र भेडाबाख्रा गरी ६४ नष्ट भएका र अन्य अन्नपानी लत्ताकपाडा गरी रु तीन करोड क्षेति भएको जिल्ला प्रहरी कार्यालय प्रहरी नायव उपरीक्षक माधव काफ्लेले जानकारी दिनुभयो ।

यसैगरी तिला गाउँपालिका ७ गोठीगाउँका अग्नि पीडित लाई प्रदेश सरकार र जिल्ला प्रशासन कार्यालय जुम्लाले गाउँमै पुगेर राहत वितरण गर्नुका साथै घटनाको सत्य तथ्य अवलोकन गरेको छ ।

कर्णाली प्रदेश सरकारले घटना स्थलमै रु ५ लाख गाउँपालिकालाई उपलब्ध गराएर आवश्यक राहात सामग्री उपलब्ध गराएको छ । आगलागीबाट विस्थापित अग्निपीडितहरुको अवस्था र राहात लिएर त्यहाँ पुगेको आन्तरिक मामिला तथा कानून मन्त्री भण्डारीको टोली अवलोकन र राहत वितरण गरेर सुर्खेत फकिएको छ ।

प्रदेश सरकारले नेपाली सेनाको हेलिकोप्टरबाट ओढ्ने ओछ्याउने न्यानो कम्बल र कपडा, पाल, भाँडाकुडा, खाद्य वस्तुका लागि दाल चामल, नुन तेल लगायतका राहत सामग्री लिएर त्यहाँ पुगेको थियो । यसका साथै हेलिकोप्टरले जिल्लाको राहात समेत त्यहाँ पुरयाएको छ ।
घटनास्थल पुगेर प्रत्यक्ष अवलोकन गर्नुभएका मन्त्री भण्डारीले अवस्था निकै दर्दनाक रहेको बताउनुभयो । घर सबै पूर्णरुपले ध्वस्त भएका छन् । पीडितहरुको आवास निर्माणका लागि आवश्यकका लागि पहल गर्नेछु,, उहाँले भन्नुभयो, पीडितहरुका लागि सहयोग गर्न सबै सरोकारवालाहरुलाई अनुरोध गर्दछु । यसैगरी आगलागीबाट घाईते तीन महिलाहरुलाई उपचारका लागि हेलिकोप्टरमै सुर्खेत ल्याईएको उहाँले बताउनुभयो ।

संघीय सरकार प्रशासन विपत कोषको रु पाँच लाख ३० हजार नगद :
आगोेले सखाप भएको बस्तिमा संघीय सरकारको माताहतमा रहेको जिल्ला प्रशासन कार्यालय बिपत व्यवस्थापन कोषबाट प्रमुख जिल्ला अधिकारी सहितको टोली दैलोमा गएर नगद रु पाँच लाख ३० हजार उपलब्ध गराएको छ । यसैगरी गैरसरकारी संस्था महासंघ नेपालले समेत राहात उपलब्ध गराएको छ ।

कानून मन्त्री भण्डारी सहित प्रमुख जिल्ला अधिकारी भुपेन्द्र थापा सहितको टोली हेलिकोप्टरमा घटनास्थलमा पुगेर घर जलेका पाँच परिवार भन्दा माथीकालाई रु २० हजारको दरले र पाँच परिवार भन्दा कम घरका व्यक्तिलाई रु १५ हजारका दरले पाँच लाख ३० हजार घटनास्थलमा नगद राहात दिईएको प्रमुख जिल्ला अधिकारी भुपेन्द्र थापाले जानकारी दिनुभयो । उहाँका अनुसार क्षेतिको अवलोकन गरेर फर्किएको र त्यहाँ तत्काल बस्न केही टेन्ट दिईएको र अन्य माग गर्न पहल गरिएको छ । स्थानीय प्रशासनले राहत रु एक लाख छ हजारको ज्याकेट, १० त्रिपालउपलब्ध गराईएको बताउनुभयो ।

सांसदको तलब अग्निपीडितलाईः

घटनास्थलमा पुगेका कर्णाली प्रदेशका सांसद पदमबहादुर रोकायाले एक महिनाको तलब अग्नि पीडितलाई उपलब्ध गराउनु भएको छ । बिहीबार अग्नि पीडितलाई गाउँमै पुगेर सांसद रोकायाले एक महिनाको तलब दिनु भएको हो । एक महिनाको तलब स्वरूप आउने ४२ हजार रुपैयाको राहात सहयोग गरेका हुन् ।

स्थानीय प्रशासनले रु ६ लाख ३६ हजार, प्रदेश सरकारको रु पाँच लाख, सासंद पदम रोकायाको रु ४२ हजार, गैसस महासंघ र अन्य सहयोगी सहितको गरि करिब १५ लाखको राहात उपलब्ध गराईएको बताईएको छ ।

प्रतिकृया दिनुहोस्