OnlinePana

आज : २०७९ मंसिर २० गतेPreeti to UnicodeUnicode to PreetiRoman to UnicodeDate Converter
कोरपाटी संवाददातापौष २८, २०७७सुर्खेत
४९९ पटक

 २८ पुस २०७७ मंगलबार

मध्यपश्चिमाञ्चल विश्वविद्यालय उपकुलपति प्राडा.नन्दबहादुर सिंहले विश्वविद्यालयमा एक घण्टा पढाएर भाग्ने हेल्मेट शिक्षक र उदण्ड विद्यार्थीहरुलाई कारवाही गर्ने चेतावनी दिनुभएको छ ।

मप विश्वविद्यालयले सोमबार ७ बजे कर्णालीका पत्रकारहरुसँग गरेको भर्चुअल पत्रकार सम्मेलनमा उपकुलपति प्राडा.सिंहले आफू एक घण्टा नपढाउने र विद्यार्थीहरुलाई मप विश्वविद्यालयको नेतृत्वविरुद्ध जुलुस गर्न लगाउन केही खराब प्रवृतिका शिक्षकहरुका कारण यो समस्या आएको बताउनुभयो । उहाँका अनुसार विश्वविद्यालयको १०औं सिनेटले यहाँ अध्यापनरत शिक्षकहरुलाई सात घण्टा पढाउने निर्णय गरिसकेको छ ।

यही पुस २६ गते मौका परीक्षा दिन पाउनुपर्छ भन्दै मध्यपश्चिम ईञ्जिनियरिङ क्याम्पसमा अध्ययनरत विद्यार्थीले उपकुलपतिको कार्यकक्ष तोडफोड गरेपछि पत्रकार सम्मेलन गर्नुभएका उहाँले सो घटनामा संलग्न उदण्ड विद्यार्थी र नियोजित ढंगले विद्यार्थी उक्साउने शिक्षकहरुलाई चिनिसकिएको जनाउँदै उहाँले सार्वजनिक सम्पतिमाथि तोडफोड गर्नेलाई सार्वजनिक मुद्दा लगाउने बताउनुभयो ।

“यहाँ केही क्याम्पस प्रमुखले नै कुनामा बसेर हुलदंगा गर्न विद्यार्थी उक्साएका छन्,” उहाँले भन्नुभयो, “नपढ्ने विद्यार्थीका माग र गलत योजना बनाउने शिक्षकलाई तह लगाएरै छोडिन्छ ।” मध्यपश्चिम विश्वविद्यालयलाई दुहुनो गाई बनाएर रु.७६ करोड बेरोजु लगाउने मान्छेहरुले नै यसलाई अस्तव्यस्त बनाएको र शैक्षिक उन्नयन देखि नसहनेहरुले योजनावद्ध तरिकाले घटना घटाउने खोजेको उहाँको आरोप थियो ।

उहाँले अगाडि भन्नुभयो, “व्यवहारिक माग भए त्यसको समाधान र सुनुवाई गर्न २७ समिति बनाईएको छ । वार्तामा आउनुस्, हुने कुरा हुन्छ र नहुने कुरा हुँदैन हामी प्रष्टताका साथ भन्छौं । तर कुनैपनि गलत कुरामा सम्झौता हुँदैन ।” मध्यपश्चिम ईञ्जिनियरिङ क्याम्पसले मप विश्वविद्यालयको बेईज्जत गरेको टिप्पणी गर्दैै उपकुलपति प्राडा.सिंहले त्यस्ता काममा संलग्न शिक्षकहरुलाई सार्वजनिकरुपमा पदमुक्त गर्ने चेतावनी दिनुभयो ।

बिहान ६ः०० बजेदेखि दिउसो १२ः०० बजेसम्म क्याम्पस प्रमुख नै त्यस्ता कार्यमा लागेको उहाँको दोषारोपण थियो । उपकुलपति प्राडा.सिंहले मप विश्वविद्यालयमा अध्यापन शिक्षकहरु नै तोडफोड गराउने र मपका विद्यार्थी भड्काएर नीजि कलेजमा भर्ना गर्न लगाउने शिक्षकहरुको विवरण आईसकेको प्रष्ट्याउँदै सम्मेलनमार्फत त्यस्ता गलत शिक्षकहरुलाई बेलैमा सुध्रिन अन्यथा कारवाहीको भागिदार हुनेपर्ने चुनौति दिनुभयो ।

उहाँले १६–३२ विषय लागेका विद्यार्थीलाई माग सम्बोधन नहुने र थर्काएर काम गरिन्छ भन्ने हिजोको गलत नजिर तोडेर देखाइदिने समेत दावी गर्नुभयो । दोहोर काम गरेर विश्वविद्यालय ध्वस्त गर्ने सबैखाले गल गतिविधि र त्यसमा संलग्न व्यक्तिहरुको नजिकबाट अध्ययन भईरहेको विश्वविद्यालयले जनाएको छ ।

आफू भ्रष्टाचार नगर्ने र अरुलाई पनि गर्न नदिने धारणा राख्दै आउनुभएका उहाँले हिजोदेखि थन्किएका विद्यार्थी र यहाँबाट विद्यार्थी भड्काएर नीजि विद्यालयमा भर्ना गर्ने शिक्षकहरुले हुलदंगा तालाबन्दी गर्न खोजेपनि विश्वविद्यालयलाई तालारहित बनाउने जनाउनुभयो । सहि गर्दा गलत भयो भनिए जनताको बीचमा आउने पनि उहाँको भनाई थियो ।

त्यही सन्दर्भमा नेपाल सरकारको साझेदारीमा सञ्चालित योगी नरहरिनाथ मुनाफारहित संस्था भएको र ३० प्रतिशत कम शुल्क तिरेर विद्यार्थी पढ्दै आएको उहाँको प्रष्टिकरण थियो । उत्तेजित भएर गोली चलाएको भन्ने आरोप गलत भएको भन्दै सहि भए प्रमाणित गर्न उहाँले सुझाउनुभएको छ ।

प्रतिकृया दिनुहोस्