OnlinePana

आज : २०७८ साउन ११ गतेPreeti to UnicodeUnicode to PreetiRoman to UnicodeDate Converter
कोरपाटी संवाददाताआषाढ ११, २०७७सुर्खेत
३२६ पटक

११ असार २०७७, बिहीबार

कर्णाली प्रदेशसभाका छैटौ अधिवेशनको २२औं बैठक आज पनि चल्न सकेन । प्रमुख प्रतिपक्षी दल नेपाली काँग्रेसले सभा अवरुद्ध गरेपछि बैठक चल्न नसकेको हो ।

सभामुख राजबहादुर शाहीले २२औं बैठकमा कर्णाली प्रदेश विनियोजन विधेयक, २०७७ अन्तरगत प्रदेशसभा सचिवालय, आन्तरिक मामिला तथा कानून मन्त्रालय र सामाजिक विकास मन्त्रालयका शीर्षकहरुमाथिको छलफल प्रारम्भ गरेलगत्तै प्रमुख प्रतिपक्षी दल नेपाली काँग्रेस संसदीय दलका नेता जीवनबहादुर शाहीसहित प्रदेशसभा सदस्यहरु उठेर बैठक अवरुद्ध गर्नुभएको थियो ।

तत्पश्चात् सभामुख शाहीले के हो ? भनेर प्रश्न गर्दा दलका नेता शाहीले आव.०७७÷०७८ वार्षिक विकास कार्यक्रमका राखेका विषय पुरा नभएका कारणले बुधबार सदन स्थगित भयो त्यस अनुसारको कुनैपनि कुरा पुरा नभएको भन्दै बैठक चल्न नदिने जवाफ दिनुभयो । सभामुख शाहीले बैठकमा हुने छलफलमा सरकारको धारणा सुनेर प्रश्न गर्न आग्रह गर्नुभएको थियो ।

नेता शाहीले जबसम्म नागरिकहरुलाई स्पष्ट बुझ्ने गरी वार्षिक विकास कार्यक्रमको किताब सरकारले नल्याए एवं विनियोजन विधेयकको मर्म र भावना अनुरुप अगाडि नबढेसम्म बैठक चल्न नदिने चेतावनी दिनुभयो । प्रतिपक्षी दलका प्रदेशसभा सदस्यहरुले अडान कायम राखेपछि सभामुख शाहीले असार १२ गते शुक्रबार दिउसो ३ः०० बजेसम्मका लागि बैठक स्थगित गरिएको सूचना गर्नुभएको थियो ।

प्रतिकृया दिनुहोस्