कोरपाटी संवाददाताजेठ ३०, २०८३काठमाडौं
८८ पटक
३० जेठ २०८३, शनिबार
सुर्खेतः जिल्ला प्रहरी कार्यालय सुर्खेतको हिरासतमा रहेका एक थुनुवा व्यक्तिको उपचारको क्रममा मृत्यु भएको छ ।
मृत्यु हुनेमा वीरेन्द्रनगर नगरपालिका १० सुर्खेत पिपिराका २१ वर्षीय साबिर बक्सको आज बिहान मृत्यु भएको हो । जिल्ला प्रहरी कार्यालय सुर्खेतका प्रवक्ता कविन्द्रसिंह बोहराले आज बिहान ४ः३० बजेको समयमा हिरासतमै मृतक बक्स अचेत अवस्थामा भेटिएको जानकारी दिनुभयो ।
उहाँका अनुसार अचेत अवस्थामा भेटिए लगत्तै उनलाई कर्णाली प्रदेश अस्पताल सुर्खेतमा उपचारका लागि पु¥याइएको थियो । अस्पतालमा पुर्याइएका बक्सलाई चिकित्सकले मृत घोषणा गरेका थिए । चोरी मुद्दामा पक्राउ परेका मृतक बक्सलाई प्रहरीले बुधबार म्याद थप गरेर उनीमाथि अनुसन्धान गरिरहेको थियो । उनको पोष्टमार्टम पछि मात्रै मृत्युको कारण खुल्ने प्रहरीले जनाएको छ ।
